കേരളത്തിൽ ബി.ജെ.പി -സി.പി.എം അവിശുദ്ധ സഖ്യമെന്ന് മുല്ലപ്പള്ളി: ‘ഏതൊക്കെ മണ്ഡലത്തിലാണ് സഖ്യമെന്ന് രണ്ട് ദിവസത്തിനുള്ളിൽ പറയും’

കോഴിക്കോട്: കേരളത്തിൽ ബി.ജെ.പി, സി.പി.എം അവിശുദ്ധ സഖ്യമെന്ന് മുതിർന്ന കോൺഗ്രസ് നേതാവ് മുല്ലപ്പള്ളി രാമചന്ദ്രൻ ആരോപിച്ചു. ഏതൊക്കെ മണ്ഡലത്തിലാണ് സഖ്യമെന്ന് രണ്ട് ദിവസത്തിനുള്ളിൽ പറയാം. കൃത്യമായി വിവരങ്ങൾ ലഭിച്ചിട്ടുണ്ട്. സി.പി.എമ്മി​െൻറയും ബി.ജെ.പിയുടെയും ലക്ഷ്യം കോൺഗ്രസ് മുക്ത ഭാരതമാണ്. കേരളത്തിൽ യു.ഡി.എഫിന് അനുകൂല സാഹചര്യമാണെന്നും മുല്ലപ്പള്ളി അഭിപ്രായപ്പെട്ടു.

കാസർകോഡ് മണ്ഡലത്തിൽ പെരിയ ചർച്ചയാകും. പത്മജയുടേത് വിലകുറഞ്ഞ ആരോപണങ്ങളാണ്. ആരുടേയും പിന്തുണ ഇല്ലാത്തവർ പറയുന്നത് ജനങ്ങൾ മുഖവിലക്ക് എടുക്കില്ല. ഇ.പി. ജയരാജനെതിരായ പ്രതിപക്ഷ നേതാവി​െൻറ ആരോപണത്തിൽ സമഗ്രമായ അന്വേഷണം വേണമെന്നും മുല്ലപ്പള്ളി പറഞ്ഞ​ു.