മലപ്പുറം: മലപ്പുറം ജില്ല പൊലീസ് മേധാവിയുടെ ചുമതല ആർ. ആനന്ദ് ഏറ്റെടുത്തു. പാലക്കാട് എസ്.പിയായ ആനന്ദിന് ശനിയാഴ്ച മുതൽ മലപ്പുറം ജില്ലയുടെ അധിക ചുമതലയാണ് നൽകിയത്. നിലവിലെ മലപ്പുറം ജില്ല പൊലീസ് മേധാവി എസ്. സുജിത് ദാസ് ഹൈദരാബാദിലെ നാഷനൽ പൊലീസ് അക്കാദമിയിലെ പരിശീലനത്തിനുപോയ ഒഴിവിലാണ് പാലക്കാട് എസ്.പിക്ക് ചുമതല നൽകിയത്.
നേരത്തേ വയനാട് ജില്ല പൊലീസ് മേധാവിയായിരുന്ന ആനന്ദ് ഈ വർഷം ജൂണിലാണ് പാലക്കാട് എസ്.പിയായി നിയമിതനായത്. തമിഴ്നാട് ഡിണ്ടിക്കല് സ്വദേശിയായ ഇദ്ദേഹം മെക്കാനിക്കല് എന്ജിനീയറിങ് ബിരുദധാരിയാണ്. ശനിയാഴ്ച മുതൽ മലപ്പുറം ജില്ലയുടെ അധിക ചുമതല ഔദ്യോഗികമായി ഏറ്റെടുത്തെന്നും ഓഫിസ് പ്രവർത്തനം പാലക്കാട്ട് ആണെങ്കിലും മലപ്പുറത്ത് ആവശ്യമുള്ള സമയങ്ങളിൽ എത്തുമെന്നും ആർ. ആനന്ദ് ‘മാധ്യമ’ത്തോട് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.