ബസ് ചുരം റോഡിൽ നിയന്ത്രണംവിട്ടു; യാത്രക്കാരന്​ കൊക്കയിൽവീണ്​ പരിക്ക്

​വൈ​ത്തി​രി: കെ.​എ​സ്.​ആ​ർ.​ടി.​സി ബ​സ് വ​യ​നാ​ട് ചു​ര​ത്തി​ൽ നി​യ​ന്ത്ര​ണം​വി​ട്ടു. സു​ര​ക്ഷാ​ഭി​ത്തി​യി​ലു​ര​സി നി​ന്ന ബ​സ് മ​റി​ഞ്ഞേ​ക്കു​മെ​ന്ന പേ​ടി​യി​ൽ ധി​റു​തി​യി​ൽ ഇ​റ​ങ്ങി​യ യാ​ത്ര​ക്കാ​രി​ൽ ഒ​രാ​ൾ കൊ​ക്ക​യി​ൽ വീ​ണു പ​രി​ക്കേ​റ്റു. ആ​ലു​വ സ്വ​ദേ​ശി​യും പൂ​ക്കോ​ട് വെ​റ്റ​റി​ന​റി സ​ർ​വ​ക​ലാ​ശാ​ല ജീ​വ​ന​ക്കാ​ര​നു​മാ​യ ഷാ​ജി​ക്കാ​ണ് (50) പ​രി​ക്കേ​റ്റ​ത്.

ബു​ധ​നാ​​ഴ്ച രാ​വി​ലെ ആ​റ​ര​ക്ക് എ​ട്ടാം വ​ള​വി​നു സ​മീ​പം കോ​ഴി​ക്കോ​ട്ടു​നി​ന്ന്​ സു​ൽ​ത്താ​ൻ ബ​ത്തേ​രി​യി​ലേ​ക്ക്​ പോ​വു​ക​യാ​യി​രു​ന്ന ബ​സാ​ണ്​ അ​പ​ക​ട​ത്തി​ൽ​പെ​ട്ട​ത്. ഡ്രൈ​വ​ർ ഉ​റ​ങ്ങി​പ്പോ​യ​തു​കൊ​ണ്ടോ മ​റ്റോ നി​യ​ന്ത്ര​ണം​വി​ട്ട ബ​സ് റോ​ഡി​ൽ​നി​ന്നും മാ​റി സു​ര​ക്ഷാ​ഭി​ത്തി​യോ​ട് ചേ​ർ​ന്ന് നി​ന്നു. ഇ​രു​ട്ടി​ൽ ബ​ഹ​ളം കേ​ട്ടു​ണ​ർ​ന്ന യാ​ത്ര​ക്കാ​ർ പു​റ​ത്തേ​ക്കു​ക​ട​ക്കാ​ൻ തു​ട​ങ്ങി. പി​ൻ​വാ​തി​ൽ ഭി​ത്തി​യോ​ട് ചേ​ർ​ന്നാ​യി​രു​ന്ന​തി​നാ​ൽ യാ​ത്ര​ക്കാ​ർ പെ​ട്ടെ​ന്നി​റ​ങ്ങി.

ഷാ​ജി​യും ഏ​താ​നും യാ​ത്ര​ക്കാ​രും മു​ൻ​വാ​തി​ലി​ലൂ​ടെ​യാ​യി​രു​ന്നു ഇ​റ​ങ്ങി​യ​ത്. ഇ​വി​ടെ ഭി​ത്തി പൊ​ളി​ഞ്ഞ ഭാ​ഗ​ത്തേ​ക്ക് കാ​ല് വെ​ച്ച​തും ഷാ​ജി താ​ഴ്ച​യി​ലേ​ക്ക് പ​തി​ക്കു​ക​യാ​യി​രു​ന്നു. മു​പ്പ​ത​ടി​യോ​ളം താ​ഴെ​യെ​ത്തി​യ ഇ​ദ്ദേ​ഹം വ​ള​രെ ക്ലേ​ശി​ച്ചാ​ണ് തി​രി​കെ റോ​ഡി​ലെ​ത്തി​യ​ത്. ഇ​തി​നി​ടെ ഒ​ന്നു ര​ണ്ടു​പേ​ർ താ​ഴെ​യി​റ​ങ്ങി ക​യ​റാ​ൻ സ​ഹാ​യി​ച്ചു. കൈ​ക്കും കാ​ലി​നും പ​രി​ക്കേ​റ്റ ഷാ​ജി വൈ​ത്തി​രി ടൗ​ണി​ലി​റ​ങ്ങി​യ ശേ​ഷം സു​ഹൃ​ത്തി​ന്‍റെ കൂ​ടെ താ​ലൂ​ക്കാ​ശു​പ​ത്രി​യി​ൽ ചി​കി​ത്സ തേ​ടി. കോ​ഴി​ക്കോ​ട് ഡി​പ്പോ​യി​ൽ​നി​ന്നു​ള്ള ബ​സാ​ണ്​ അ​പ​ക​ട​ത്തി​ൽ​പെ​ട്ട​ത്.