മുഹമ്മദ് ഇജാസ്, സാബിത്ത്, അമല്‍ജിത്ത്
തൊണ്ടര്‍നാട്: വില്‍പനക്കായി കൊണ്ടുവന്ന എം.ഡി.എം.എയുമായി മൂന്നു യുവാക്കള്‍ പിടിയില്‍. വെള്ളമുണ്ട സ്വദേശികളായ വാരാമ്പറ്റ മൂരിക്കണ്ടിയില്‍ വീട്ടില്‍ മുഹമ്മദ് ഇജാസ് (26), ആലമ്പാടിക്കല്‍ വീട്ടില്‍ കെ. സാബിത്ത് (24), നാരോക്കടവ് തകടിക്കല്‍ വീട്ടില്‍ ടി.ജി. അമല്‍ജിത്ത് (28) എന്നിവരെയാണ് തൊണ്ടര്‍നാട് പൊലീസ് അറസ്റ്റ് ചെയ്തത്. 37.63 ഗ്രാം എം.ഡി.എം.എയാണ് ഇവരില്‍നിന്ന് കണ്ടെടുത്തത്. തിങ്കളാഴ്ച വൈകീട്ട് കോറോം ടൗണില്‍ എസ്.ഐ എന്‍. അജീഷ് കുമാറിന്റെ നേതൃത്വത്തില്‍ നടത്തിയ പരിശോധനയിലാണ് യുവാക്കളെ പിടികൂടുന്നത്. എ.എസ്.ഐ എം.എ. ഷാജി, എസ്.സി.പി.ഒ കലാരഞ്ജിത്ത്, ഡബ്ല്യൂ.സി.പി.ഒ റോസമ്മ ഫ്രാന്‍സിസ്, സി.പി.ഒ മുസ്തഫ എന്നിവരും പരിശോധന സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.