പൊഴുതനയിലെ തോട്ടം മേഖലയിൽ ഭീതിപരത്തി കാട്ടുപോത്തുകൾ

പൊ​ഴു​ത​ന: കാ​ട്ടാ​ന​ക്കും പു​ലി​ക്കും പി​ന്നാ​ലെ കാ​ടി​റ​ങ്ങു​ന്ന കാ​ട്ടു​പോ​ത്തു​ക​ൾ നാ​ട്ടു​കാ​രു​ടെ ഉ​റ​ക്കം കെ​ടു​ത്തു​ന്നു. പൊ​ഴു​ത​ന പ​ഞ്ചാ​യ​ത്തി​ലെ തോ​ട്ടം മേ​ഖ​ല​യു​ടെ ഭാ​ഗ​മാ​യ പാ​റ​ക്കു​ന്ന്, കു​റി​ച്യ​ർ​മ​ല, ക​ല്ലൂ​ർ, സേ​ട്ട്ക്കു​ന്ന് പ്ര​ദേ​ശ​ങ്ങ​ളി​ലാ​ണ് കാ​ട്ടു​പോ​ത്തു​ക​ൾ ഭീ​ഷ​ണി ഉ​യ​ർ​ത്തു​ന്ന​ത്. പ​ക​ൽ​പോ​ലും കാ​ട്ടു​പോ​ത്തു​ക​ൾ വി​ഹ​രി​ക്കു​ക​യാ​ണ്.

രാ​വി​ലെ മു​ത​ൽ എ​സ്റ്റേ​റ്റ് മേ​ഖ​ല​യി​ലെ തേ​യി​ല തോ​ട്ട​ങ്ങ​ളി​ൽ ജോ​ലി ചെ​യ്യു​ന്ന തൊ​ഴി​ലാ​ളി​ക​ൾ ഭീ​തി​യി​ലാ​ണ്. ക​ഴി​ഞ്ഞ ദി​വ​സം വേ​ങ്ങ​ത്തോ​ട് പാ​റ​ക്കു​ന്ന് അ​തി​ർ​ത്തി​യാ​യ മു​പ്പ​ത്ത് ഭാ​ഗ​ത്ത് കൂ​ട്ട​മാ​യി എ​ത്തി​യ കാ​ട്ടു പോ​ത്തു​ക​ളി​ൽ​നി​ന്ന് ജോ​ലി ചെ​യ്യു​ക​യാ​യി​രു​ന്ന തൊ​ഴി​ലാ​ളി​ക​ൾ ക​ഷ്ടി​ച്ചാ​ണ് ര​ക്ഷ​പ്പെ​ട്ട​ത്.

വ​ന​മേ​ഖ​ല​യോ​ട് ചേ​ർ​ന്ന പ്ര​ദേ​ശ​ങ്ങ​ളി​ലാ​ണ് കൂ​ടു​ത​ൽ ശ​ല്യം. ക​ടു​ത്ത വേ​ന​ലി​ൽ തീ​റ്റ​യും വെ​ള്ള​വും കു​റ​ഞ്ഞ​തോ​ടെ കാ​ട് വി​ട്ട് കൂ​ട്ട​ത്തോ​ടെ നാ​ട്ടി​ലി​റ​ങ്ങു​ന്ന കാ​ട്ടു​പോ​ത്തു​ക​ൾ എ​സ്റ്റേ​റ്റു​ക​ളി​ലാ​ണ് താ​വ​ള​മു​റ​പ്പി​ച്ചി​രി​ക്കു​ന്ന​ത്.

നേ​ര​ത്തെ മേ​ൽ​മു​റി,അ​മ്മ​റ ഭാ​ഗ​ത്തും കാ​ട്ടി​പോ​ത്തു​ക​ളെ ക​ണ്ടി​രു​ന്നു. അ​ന്ന് തൊ​ഴി​ലാ​ളി​ക​ൾ ഭാ​ഗ്യം​കൊ​ണ്ട് മാ​ത്ര​മാ​ണ് ര​ക്ഷ​പ്പെ​ട്ട​ത്. കാ​ട്ടു​പോ​ത്തി​ന് പു​റ​മെ പു​ലി​യു​ടെ ആ​ക്ര​മ​ണ​ത്തി​ൽ നി​ര​വ​ധി വ​ള​ർ​ത്തു മൃ​ഗ​ങ്ങ​ൾ വി​ധേ​യ​രാ​യി​ട്ടും വ​ന​പാ​ല​ക​ർ ന​ട​പ​ടി​ക​ളും സ്വീ​ക​രി​ച്ചി​ട്ടി​ല്ല. ഇ​തി​നെ​തി​രെ ശ​ക്ത​മാ​യ പ്ര​തി​ഷേ​ധം ഉ​യ​ർ​ന്നി​ട്ടു​ണ്ട്.