കാ​ടി​റ​ങ്ങി ആ​ന​യും പു​ലി​യും, ഭീ​തി​യോ​ടെ മ​ല​യോ​ര വാ​സി​ക​ൾ

പൊ​ഴു​ത​ന: പു​ലി​യും ആ​ന​യും കാ​ടി​റ​ങ്ങു​ന്ന​ത് പ​തി​വാ​യ​തോ​ടെ ത​രി​യോ​ട്, പൊ​ഴു​ത​ന മേ​ഖ​ല​ക​ളി​ലെ മ​ല​യോ​ര​വാ​സി​ക​ൾ ഭീ​തി​യി​ൽ. ജ​ന​ങ്ങ​ളു​ടെ ജീ​വ​നു ഭീ​ഷ​ണി ഉ​യ​ർ​ത്തി​യും സ​ഞ്ചാ​ര സ്വാ​ത​ന്ത്ര്യ​ത്തി​ന് ത​ട​സ്സ​മാ​യും വ​ന്യ​മൃ​ഗ​ശ​ല്യം രൂ​ക്ഷ​മാ​കു​ക​യാ​ണ്. പു​ലി, പ​ന്നി, പോ​ത്ത്, ആ​ന എ​ന്നി​വ​യു​ടെ ശ​ല്യ​മാ​ണ് ജ​ന​ങ്ങ​ൾ​ക്ക് ദു​രി​തം സൃ​ഷ്ടി​ക്കു​ന്ന​ത്. ക​ഴി​ഞ്ഞ ഒ​രു മാ​സ​ത്തി​നി​ടെ​യു​ണ്ടാ​യ വ​ന്യ​ജീ​വി ആ​ക്ര​മ​ണ​ങ്ങ​ൾ ഭ​യ​പ്പെ​ടു​ത്തു​ന്ന​താ​ണ്.

ര​ണ്ട് പേ​രാ​ണ് അ​ടു​ത്തി​ടെ കാ​ട്ടാ​ന​യു​ടെ ആ​ക്ര​മ​ണം നേ​രി​ടേ​ണ്ടി വ​ന്ന​ത്. ഇ​തി​നു​പു​റ​മെ ഹെ​ക്ട​ർ ക​ണ​ക്കി​ന് കൃ​ഷി​നാ​ശ​വു​മു​ണ്ട്. തോ​ട്ടം തൊ​ഴി​ലാ​ളി​ക​ൾ കൂ​ടു​ത​ലു​ള്ള പാ​റ​ക്കു​ന്ന്, ക​ല്ലൂ​ർ, ആ​നോ​ത്ത് ഭാ​ഗ​ങ്ങ​ളി​ൽ പു​ലി​യും പ​ന്നി​ക​ളു​മാ​ണ് ശ​ല്യ​ക്കാ​ർ. ഒ​രാ​ഴ്ച്ച​യാ​കി​ടെ ര​ണ്ട് വ​ള​ർ​ത്ത് മൃ​ഗ​ങ്ങ​ളെ​യാ​ണ് പു​ലി ഈ ​ഭാ​ഗ​ത്ത് കൊ​ന്ന​ത്. ക​റു​വ​ൻ​ത്തോ​ട് ഭാ​ഗ​ത്ത് പു​ലി​യെ പ​ല​പ്പോ​ഴും കാ​ണു​ന്ന​താ​യി നാ​ട്ടു​കാ​ർ പ​റ​യു​ന്നു.

അ​മ്മാ​റ, പ​പ്പ​ല റോ​ഡി​ലും പ​ന്നി​ക​ളു​ടെ ശ​ല്യം രൂ​ക്ഷ​മാ​ണ്. സു​ഗ​ന്ധ​ഗി​രി ആ​ദി​വാ​സി മേ​ഖ​ല​ക​ളി​ലും സ്ഥി​തി രൂ​ക്ഷ​മാ​ണ്. ആ​ന​ക​ൾ ജ​ന​വാ​സ മേ​ഖ​ല​യി​ൽ വി​ഹ​രി​ക്കു​മ്പോ​ഴും വൈ​ദ്യു​തി​വേ​ലി നി​ർ​മാ​ണം പാ​തി വ​ഴി​യി​ൽ നി​ല​ച്ചു. സ​മ​യ​ബ​ന്ധി​ത​മാ​യി ഫെ​ൻ​സി​ങ്ങ് നി​ർ​മാ​ണം പൂ​ർ​ത്തി​യാ​ക്കു​മെ​ന്ന് എം. ​എ​ൽ. എ ​പ​റ​ഞ്ഞി​രു​ന്ന​താ​ണ്. പു​ലി ഭീ​തി​യെ തു​ട​ർ​ന്ന് കാ​ട്പി​ടി​ച്ച ക​ല്ലൂ​ർ പ്ര​ദേ​ശ​ത്തെ തേ​യി​ല തോ​ട്ടം മാ​നേ​ജ്മെ​ന്റ് വെ​ട്ടി ന​ന്നാ​ക്ക​ൽ ആ​രം​ഭി​ച്ചി​ട്ടു​ണ്ട്.

പു​ഴ​മൂ​ല കാ​പ്പി​ക്കാ​ട് വീ​ണ്ടും കാ​ട്ടാ​ന​യി​റ​ങ്ങി

മേ​പ്പാ​ടി: ഗ്രാ​മ​പ​ഞ്ചാ​യ​ത്ത് 20ാം വാ​ർ​ഡി​ൽ​പ്പെ​ട്ട പു​ഴ​മൂ​ല, കാ​പ്പി​ക്കാ​ട് പ്ര​ദേ​ശ​ങ്ങ​ളി​ൽ കാ​ട്ടാ​ന ശ​ല്യം രൂ​ക്ഷ​മെ​ന്ന് നാ​ട്ടു​കാ​ർ. തി​ങ്ക​ളാ​ഴ്ച പു​ല​ർ​ച്ചെ​യും പ്ര​ദേ​ശ​ത്ത് കാ​ട്ടാ​ന​ക​ളി​റ​ങ്ങി കാ​ർ​ഷി​ക വി​ള​ക​ൾ ന​ശി​പ്പി​ച്ച​താ​യി പ്ര​ദേ​ശ​വാ​സി​ക​ൾ പ​രാ​തി​പ്പെ​ടു​ന്നു.

പു​ലി സാ​ന്നി​ദ്ധ്യ​വും പ്ര​ദേ​ശ​ത്തു പ​തി​വാ​ണ്. വ​ന്യ​മൃ​ഗ​ങ്ങ​ൾ ജ​ന​വാ​സ കേ​ന്ദ്ര​ങ്ങ​ളി​ലേ​ക്കി​റ​ങ്ങു​ന്ന​ത് പ്ര​തി​രോ​ധി​ക്കാ​ൻ ന​ട​പ​ടി​ക​ളു​ണ്ടാ​കു​ന്നി​ല്ല എ​ന്ന​തി​ൽ പ്ര​തി​ഷേ​ധം ശ​ക്ത​മാ​യി​ട്ടു​ണ്ട്.