വയനാട്ടിൽ കടുവ ആക്രമണത്തിൽ ഒരാൾ മരിച്ചു

കൽപറ്റ: വയനാട്ടിൽ വീണ്ടും കടുവ ആക്രമണം. കടുവയുടെ ആക്രമണത്തിൽ ഒരാൾ മരിച്ചു. 

ദേവർഗധ ഉന്നതിയിലെ കൂമൻ( 65)ആണ് മരിച്ചത്. കാപ്പി സെറ്റ് ചെട്ടിമറ്റം പ്രദേശത്ത് ആണ് സംഭവം. കൂമനെ പുഴയോരത്തു നിന്ന് കടുവ പിടികൂടി കാട്ടിലേക്ക് വലിച്ചിഴച്ചു കൊണ്ടുപോവുകയായിരുന്നു. 

വയനാട് വന്യജീവി സ​ങ്കേതത്തിലെ വണ്ടിക്കടവ് വനത്തിൽ വനവിഭവങ്ങൾ ശേഖരിക്കാൻ പോ​യപ്പോഴാണ് കൂമനെ കടുവ ആക്രമിച്ചത്. ഗുരുതരമായി പരിക്കേറ്റ കൂമൻ ആശുപത്രിയിലേക്ക് കൊണ്ടുപോകും വഴിയാണ് മരിച്ചത്.

കൂമന്റെ കുടുംബത്തിന് സർക്കാർ നഷ്ടപരിഹാരം പ്രഖ്യാപിച്ചിട്ടുണ്ട്. തുകയുടെ ആദ്യഗഡു ഇന്ന്തന്നെ കൈമാറുമെന്നാണ് റിപ്പോർട്ട്.