സ്വ​കാ​ര്യ വ്യ​ക്തി​ക്കുവേ​ണ്ടി സ്കൂ​ൾ മ​തി​ൽ പൊ​ളി​ച്ച​ത് വി​വാ​ദ​ത്തി​ൽ

മാ​ന​ന്ത​വാ​ടി: സ്വ​കാ​ര്യ വ്യ​ക്തി​യു​ടെ സ്ഥ​ല​ത്തേ​ക്ക് റോ​ഡ് വീ​തികൂ​ട്ടു​ന്ന​തി​നാ​യി സ്കൂ​ൾ മ​തി​ൽ പൊ​ളി​ച്ച​ത് വി​വാ​ദ​മാ​കു​ന്നു. തൊ​ണ്ട​ർ​നാ​ട് പ​ഞ്ചാ​യ​ത്തി​ലെ കോ​റോം ഗ​വ. എ​ൽ.​പി സ്കൂ​ളി​ന്റെ ചു​റ്റു​മ​തി​ലാ​ണ് പി.​ടി.​എ​യി​ലെ ചി​ല അം​ഗ​ങ്ങ​ളു​ടെ നേ​തൃ​ത്വ​ത്തി​ൽ പൊ​ളി​ച്ച​ത്. ക​ഴി​ഞ്ഞ ദി​വ​സ​മാ​ണ് സം​ഭ​വം.

സ്കൂ​ൾ പ്ര​ധാ​നാ​ധ്യാ​പ​ക​ൻ പോ​ലും അ​റി​യാ​തെ​യാ​ണ് മ​തി​ൽ പൊ​ളി​ച്ച​തെ​ന്ന് നാ​ട്ടു​കാ​ർ ആ​രോ​പി​ക്കു​ന്നു. ബ്ലോ​ക്ക് പ​ഞ്ചാ​യ​ത്തി​ൽ നി​ന്നും സ്കൂ​ളി​ൽ ശു​ചി മു​റി നി​ർ​മി​ക്കാ​ൻ ഫ​ണ്ട് പാ​സാ​യി​ട്ടു​ണ്ട്. ഇ​വ നി​ർ​മി​ക്കാ​ൻ സ്വ​കാ​ര്യ വ്യ​ക്തി സ്ഥ​ലം ന​ൽ​കാ​മെ​ന്ന് വാ​ഗ്ദാ​നം ചെ​യ്ത​താ​യും അ​തി​ന് സൗ​ക​ര്യം ഒ​രു​ക്കു​ക മാ​ത്ര​മാ​ണ് ചെ​യ്ത​തെ​ന്നു​മാ​ണ് പി.​ടി.​എ ഭാ​ര​വാ​ഹി​ക​ൾ പ​റ​യു​ന്ന​ത്.

അ​തേസ​മ​യം, വാ​ഗ്ദാ​നം ചെ​യ്ത ഭൂ​മി സ്കൂ​ൾ ഭൂ​മി ത​ന്നെ​യാ​ണെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. സ്ഥ​ലം അ​ള​ന്ന് തി​രി​ച്ച് കൃ​ത്യ​ത വ​രു​ത്ത​ണ​മെ​ന്ന് പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ടു​ന്നു. സം​ഭ​വം വി​വാ​ദ​മാ​യ​തോ​ടെ ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​ർ ഇ​ട​പെ​ട്ട് മ​തി​ൽ പൊ​ളി​ക്കു​ന്ന​ത് നി​ർ​ത്തി​വെ​പ്പി​ച്ചു.