കമ്പളക്കാട്-പാറത്തോട് റോഡ് പൊട്ടിപ്പൊളിഞ്ഞ് യാത്ര ദുഷ്കരം

മു​ട്ടി​ൽ: ദി​വ​സേ​ന നൂ​റുക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന ക​മ്പ​ള​ക്കാ​ട്-​പ​റ​ളി​ക്കു​ന്ന്-​മു​ട്ടി​ൽ-​പാ​റ​ത്തോ​ട് റോ​ഡ്വീ​തി കൂ​ട്ട​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. വീ​തി കു​റ​വാ​യ​തി​നാ​ൽ റോ​ഡി​ന്റെ പ​ല​ഭാ​ഗ​ങ്ങ​ളി​ലും അ​പ​ക​ട​ങ്ങ​ൾ നി​ത്യ​സം​ഭ​വ​മാ​ണ്. ക​മ്പ​ള​ക്കാ​ട്-​മു​ട്ടി​ൽ ബൈ​പാ​സ് റോ​ഡ് കൂ​ടി​യാ​യ​തി​നാൽ റോ​ഡി​ലൂ​ടെ എ​ട്ടോ​ളം സ്കൂ​ൾ ബ​സു​ക​ളും സ്വ​കാ​ര്യ ബ​സു​ക​ളും ഉ​ൾ​പ്പെ​ടെ നി​ര​വ​ധി വാ​ഹ​ന​ങ്ങ​ളാ​ണ് ദി​നേ​ന ക​ട​ന്നു പോ​കു​ന്ന​ത്. ര​ണ്ടു വാ​ഹ​നം ഒ​രേ​സ​മ​യം ക​ട​ന്നുപോ​കാ​നു​ള്ള വീ​തി റോ​ഡി​നി​ല്ല. പ​ല ഭാ​ഗ​ത്തും റോ​ഡ് ത​ക​ർ​ന്നി​ട്ടു​മു​ണ്ട്. ഇ​തു​കാ​ര​ണം ഈ ​റോ​ഡി​ൽ ഗ​താ​ഗ​ത​ക്കു​രു​ക്കും നി​ത്യ സം​ഭ​വ​മാ​ണ്.

ക​മ്പ​ള​ക്കാ​ട് മു​ത​ൽ കൈ​നാ​ട്ടി വ​രെ സം​സ്ഥാ​ന പാ​ത​യി​ൽ റോ​ഡ് പ​ണി ന​ട​ക്കു​ന്ന​തി​നാ​ൽ ക​ൽ​പ​റ്റ ഭാ​ഗ​ത്തേ​ക്കും തി​രി​ച്ചും പോ​കു​ന്ന വാ​ഹ​ന​ങ്ങ​ൾ ഭൂ​രി​ഭാ​ഗ​വും ക​മ്പ​ള​ക്കാ​ട്-​മു​ട്ടി​ൽ ബൈ​പാ​സ് റോ​ഡി​നെ​യാ​ണ് ആ​ശ്ര​യി​ക്കു​ന്ന​ത്. ഇ​തു കാ​ര​ണം വാ​ഹ​ന​ങ്ങ​ളു​ടെ ബാ​ഹു​ല്യ​വും പ്ര​തി​സ​ന്ധി സൃ​ഷ്ടി​ക്കു​ന്നു​ണ്ട്. 20 വ​ർ​ഷ​മാ​യു​ള്ള റോ​ഡ് ജി​ല്ല പ​ഞ്ചാ​യ​ത്തിന് കീ​ഴി​ലാ​ണ്. 2018 ൽ ​റോ​ഡ് പൂ​ർ​ണ​മാ​യും ത​ക​ർ​ന്ന​പ്പോ​ൾ സം​സ്ഥാ​ന സ​ർ​ക്കാ​ർ ഗ്രാ​മീ​ണ റോ​ഡ് പു​ന​രു​ദ്ധാ​ര​ണ സ്കീ​മി​ൽ ഉ​ൾ​പ്പെ​ടു​ത്തി 70 ല​ക്ഷം രൂ​പ വ​ക​യി​രു​ത്തി​യാ​ണ് റീ ​ടാ​റി​ങ് ന​ട​ത്തി​യ​ത്. ജി​ല്ല പ​ഞ്ചാ​യ​ത്തി​ന് കീ​ഴി​ലു​ള്ള റോ​ഡ് പൂ​ർ​ണ​മാ​യും വീ​തി കൂ​ട്ടി ഗ​താ​ഗ​ത​യോ​ഗ്യ​മാ​ക്കാ​ൻ ക​ഴി​യു​ന്നി​ല്ലെ​ങ്കി​ൽ പി.​ഡ​ബ്ല്യു.​ഡി​ക്ക് റോ​ഡ് വി​ട്ടു​കൊ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

റോ​ഡി​ന്റെ ചി​ല ഭാ​ഗ​ങ്ങ​ൾ പൊ​ട്ടി​പ്പൊ​ളി​ഞ്ഞു ഗ​ർ​ത്തം രൂ​പ​പ്പെ​ട്ട​ത് കാ​ര​ണം ഗ​താ​ഗ​ത​വും ദു​ഷ്ക​ര​മാ​ണ്. റോ​ഡി​ലെ അ​ശാ​സ്ത്രീ​യ​മാ​യ ക​ലു​ങ്ക് നി​ർ​മാ​ണ​വും അ​പ​ക​ട​ഭീ​ഷ​ണി ഉ​യ​ർ​ത്തു​ന്നു​ണ്ട്. ഓ​വു​ചാ​ൽ സം​വി​ധാ​നം ഇ​ല്ലാ​ത്ത​തി​നാ​ൽ മ​ഴ​ക്കാ​ല​ത്ത് ഇ​തി​ലൂ​ടെ​യു​ള്ള യാ​ത്ര ഏ​റെ ദു​രി​ത​ത്തി​ലാ​വും.