മുസ്ലിം ലീഗിൽ ചേർന്ന എൽ.ജെ.ഡി നേതാവും ജില്ല പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്‌സനുമായ അനില തോമസിന് ജില്ല പ്രസിഡൻറ് പി.പി.എ കരീം
മെംബർഷിപ് നൽകുന്നു
കൽപറ്റ: എൽ.ജെ.ഡി ജില്ല കമ്മിറ്റി മെംബറും, ജില്ല പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്‌സനുമായ അനില തോമസ് പാർട്ടി വിട്ട് മുസ്ലിം ലീഗിൽ ചേർന്നു. ലീഗ് ജില്ല പ്രസിഡൻറ് പി.പി.എ കരീം മെംബർഷിപ് നൽകി. ജില്ല ജന. സെക്രട്ടറി കെ.കെ. അഹമ്മദ് ഹാജി സ്വാഗതം പറഞ്ഞു.
എൽ.ജെ.ഡി ജില്ല കമ്മിറ്റി മെംബറായിരുന്ന അനില മേപ്പാടി, മൂൈപ്പനാട് പഞ്ചായത്തുകൾ ഉൾപ്പെടുന്ന ഡിവിഷനെയാണ് ജില്ല പഞ്ചായത്തിൽ പ്രതിനിധാനം ചെയ്യുന്നത്.
യു.ഡി.എഫ് സ്ഥാനാർഥിയായാണ് മത്സരിച്ച് ജയിച്ചതെന്നും ഇൗ രാഷ്ട്രീയ സംവിധാനത്തിൽ തുടരാനാണ് ആഗ്രഹിക്കുന്നതെന്നും അനില തോമസ് പിന്നീട് 'മാധ്യമ'ത്തോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.