കാ​ട്ടാ​ന ആ​ക്ര​മ​ണ മ​ര​ണം; ന​ഷ്ട​പ​രി​ഹാ​ര​ത്തി​ന് വ​നം വ​കു​പ്പി​ന്റെ വാ​ഹ​ന​ങ്ങ​ള്‍ ക​ണ്ടു​കെ​ട്ടാ​ൻ ഉ​ത്ത​ര​വ്

സു​ല്‍ത്താ​ന്‍ ബ​ത്തേ​രി: കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട യു​വാ​വി​ന്റെ കു​ടും​ബ​ത്തി​ന് ന​ഷ്ട​പ​രി​ഹാ​ര​ത്തു​ക ഈ​ടാ​ക്കാ​ന്‍ വ​നം വ​കു​പ്പി​ന്റെ വാ​ഹ​ന​ങ്ങ​ള്‍ ക​ണ്ടു​കെ​ട്ടാ​ൻ കോ​ട​തി ഉ​ത്ത​ര​വ്. സു​ല്‍ത്താ​ന്‍ ബ​ത്തേ​രി മു​നി​സി​ഫ് കോ​ട​തി​യാ​ണ് ന​ഷ്ട​പ​രി​ഹാ​ര​ത്തു​ക ല​ഭ്യ​മാ​ക്കാ​ന്‍ ര​ണ്ടു വാ​ഹ​ന​ങ്ങ​ള്‍ പി​ടി​ച്ചെ​ടു​ക്കാ​ൻ ഉ​ത്ത​ര​വി​ട്ട​ത്.

2014ല്‍ ​സൗ​ത്ത് വ​യ​നാ​ട് വ​നം ഡി​വി​ഷ​നി​ലെ ചെ​ത​ല​യ​ത്ത് റേ​ഞ്ചി​ലെ കൂ​ട​ല്ലൂ​രി​ല്‍ കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ യു​വാ​വ് കൊ​ല്ല​പ്പെ​ട്ട സം​ഭ​വ​ത്തി​ല്‍ മാ​താ​വ് ന​ല്‍കി​യ ഹ​ര​ജി​യി​ലാ​ണ് കോ​ട​തി വി​ധി. ര​ണ്ടു ത​വ​ണ​യാ​യി ആ​റു ല​ക്ഷം രൂ​പ​യാ​ണ് കു​ടും​ബ​ത്തി​ന് വ​നം വ​കു​പ്പ് ന​ഷ്ട​പ​രി​ഹാ​രം ന​ല്‍കി​യ​ത്. ഇ​ത് പ​ര്യാ​പ്ത​മ​ല്ലെ​ന്ന് കാ​ണി​ച്ചാ​ണ് മാ​താ​വ് കോ​ട​തി​യെ സ​മീ​പി​ച്ച​ത്. ഹ​ര​ജി പ​രി​ഗ​ണി​ച്ച് ന​ഷ്ട​പ​രി​ഹാ​ര​ത്തു​ക വ​ര്‍ധി​പ്പി​ച്ചു ന​ല്‍കാ​ന്‍ കോ​ട​തി ഉ​ത്ത​ര​വി​ട്ടി​രു​ന്നു. ഇ​തി​നെ​തി​രെ വ​നം വ​കു​പ്പ് സ​ബ് കോ​ട​തി​യി​ല്‍ അ​പ്പീ​ല്‍ ന​ല്‍കി​യെ​ങ്കി​ലും ത​ള്ളി.

തു​ട​ര്‍ന്നാ​ണ് വാ​ഹ​ന​ങ്ങ​ള്‍ പി​ടി​ച്ചെ​ടു​ക്കാ​ൻ കോ​ട​തി ഉ​ത്ത​ര​വി​ട്ട​ത്. ഇ​തി​ന്റെ അ​ടി​സ്ഥാ​ന​ത്തി​ല്‍ വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ലെ മു​ത്ത​ങ്ങ റേ​ഞ്ചി​ല്‍ സ​ഫാ​രി​ക്ക് ഉ​പ​യോ​ഗി​ക്കു​ന്ന ര​ണ്ട് ബ​സു​ക​ള്‍ ക​ണ്ടു​കെ​ട്ടാ​ൻ വെ​ള്ളി​യാ​ഴ്ച ജീ​വ​ന​ക്കാ​രെ​ത്തി. എ​ന്നാ​ല്‍, വ​നം വ​കു​പ്പ് കോ​ട​തി​യി​ല്‍ ക​ച്ചീ​ട്ട് ന​ല്‍കി​യ​തി​നാ​ല്‍ വാ​ഹ​നം കൊ​ണ്ടു​പോ​യി​ട്ടി​ല്ല. അ​ഡ്വ. വി​ജ​യ​കു​മാ​ർ കു​ടും​ബ​ത്തി​ന് വേ​ണ്ടി കോ​ട​തി​യി​ല്‍ ഹാ​ജ​രാ​യി.