വെള്ളനാട്: പൊലീസ് സർക്കിൾ ഇൻസ്പെക്ടറുടെ വീട്ടിൽ മോഷണം. പൊഴിയൂർ സർക്കിൾ ഇൻസ്പെക്ടർ ബിനുകുമാറിെൻറ വെള്ളനാട് നാലുമുക്കിലുള്ള ശ്രുതിലയ വീട്ടിലാണ് മോഷണം നടന്നത്. കുറച്ചു ദിവസങ്ങളായി ഈ വീട്ടിൽ താമസമില്ലായിരുന്നു. ഇക്കഴിഞ്ഞ ദിവസം പ്രദേശവാസികൾ വീടിെൻറ വാതിൽ തുറന്നുകിടക്കുന്നതുകണ്ട് നടത്തിയ അന്വേഷണത്തിലാണ് മോഷണ വിവരം അറിയുന്നതെന്ന് ആര്യനാട് പൊലീസ് അറിയിച്ചു. പഴയ റേഡിയോ, ടി.വി, വിളക്ക്, ഷോക്കേസിൽ സൂക്ഷിച്ചിരുന്ന നടരാജവിഗ്രഹം, പാചക വാതക സിലിണ്ടർ എന്നിവ മോഷണം പോയതായി സർക്കിൾ ഇൻസ്പെക്ടറുടെ ഭാര്യ മലയിൻകീഴ് അഞ്ജലിയിൽ വീണ ആര്യനാട് പൊലീസിൽ നൽകിയ പരാതിയിൽ പറയുന്നു. പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.