സബ് ട്രഷറി സൂപ്രണ്ടിന്റെ ഒപ്പിട്ട് ഒന്നര ലക്ഷം രൂപ തട്ടിയയാൾ റിമാൻഡിൽ

തി​രു​വ​ന​ന്ത​പു​രം: സ​ബ് ട്ര​ഷ​റി സൂ​പ്ര​ണ്ടി​ന്റെ ഒ​പ്പി​ട്ട് വ്യാ​ജ​രേ​ഖ ച​മ​ച്ച് പി.​ഡ​ബ്ല്യു.​ഡി ക​രാ​റു​കാ​ര​നി​ൽ​നി​ന്ന് ഒ​ന്ന​ര ല​ക്ഷം രൂ​പ ത​ട്ടി​യെ​ടു​ത്ത​യാ​ൾ റി​മാ​ൻ​ഡി​ൽ. അ​മ​ര​വി​ള, മ​ഞ്ചം​കു​ഴി, വി​ള​യി​ൽ വീ​ട്ടി​ൽ അ​രു​ൺ സാ​മി​നെ​യാ​ണ് (31) മ്യൂ​സി​യം പൊ​ലീ​സ് അ​റ​സ്റ്റ് ചെ​യ്ത​ത്. പി.​ഡ​ബ്ല്യു.​ഡി ക​രാ​ർ പു​തു​ക്കാ​നാ​യി സ​ർ​ട്ടി​ഫി​ക്ക​റ്റ് ത​യാ​റാ​ക്കാ​ൻ ട്ര​ഷ​റി​യി​ൽ ഒ​ന്ന​ര​ല​ക്ഷം രൂ​പ അ​ട​ക്ക​ണ​മെ​ന്ന് പ​റ​ഞ്ഞ് ക​രാ​റു​കാ​ര​ൻ രാ​ജേ​ഷി​ൽ​നി​ന്ന് തു​ക കൈ​പ്പ​റ്റി​യ​ശേ​ഷം വ്യാ​ജ ര​സീ​ത് കൈ​മാ​റു​ക​യാ​യി​രു​ന്നു.

പ​ണം അ​ടി​ച്ചി​ട്ടും ലൈ​സ​ൻ​സ് കി​ട്ടാ​ത്ത​തി​നെ തു​ട​ർ​ന്ന് രാ​ജേ​ഷും സു​ഹൃ​ത്തും ട്ര​ഷ​റി​ലെ​ത്തി​യ​പ്പോ​ഴാ​ണ് ക​ബ​ളി​പ്പി​ക്ക​പ്പെ​ട്ട​ത് മ​ന​സ്സി​ലാ​യ​ത്. സ​ബ് ട്ര​ഷ​റി സൂ​പ്ര​ണ്ടി​ന്റെ ഒ​പ്പ് വ്യാ​ജ​മാ​യി​ട്ട് അ​രു​ൺ സാം ​ര​സീ​ത് ത​യാ​റാ​ക്കി ന​ൽ​കു​ക​യാ​യി​രു​ന്നു. തു​ട​ർ​ന്ന് പൊ​ലീ​സി​ൽ പ​രാ​തി ന​ൽ​കി. എ.​സി.​പി സ്റ്റു​വെ​ർ​ട്ട് കീ​ല​റി​ന്റെ നേ​തൃ​ത്വ​ത്തി​ൽ മ്യൂ​സി​യം സി.​ഐ വി​മ​ൽ, എ​സ്.​ഐ​മാ​രാ​യ വി​പി​ൻ, ബാ​ല സു​ബ്ര​മ​ണ്യം, സൂ​ര​ജ്, സി.​പി.​ഒ​മാ​രാ​യ മ​നോ​ജ്‌, വൈ​ശാ​ഗ്, അ​രു​ൺ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.