റെയിൽവേ ഓൺലൈൻ ബുക്കിങ്​; പണം നഷ്ടം ടിക്കറ്റും കിട്ടുന്നില്ല

തി​രു​വ​ന​ന്ത​പു​രം: റെ​യി​ൽ​വേ​യു​ടെ ഓ​ൺ​ലൈ​ൻ പ്ലാ​റ്റ്​​ഫോം വ​ഴി​യു​ള്ള ടി​ക്ക​റ്റ്​ ബു​ക്കി​ങ്ങി​ൽ പ​ണം ന​ഷ്​​ട​പ്പെ​ടു​ന്ന​ത്​ വ​ർ​ധി​ക്കു​ന്നു. ജ​ന​റ​ൽ ടി​ക്ക​റ്റു​ക​ൾ ബു​ക്ക്​ ചെ​യ്യാ​നു​ള്ള യു.​ടി.​എ​സ്​ ആ​പ്പി​ലാ​ണ്​ ദു​ര​നു​ഭ​വം ഏ​റെ.

ഓ​ൺ​ലൈ​ൻ ന​ട​പ​ടി ക്ര​മ​ങ്ങ​ളെ​ല്ലാം പൂ​ർ​ത്തി​യാ​ക്കി പ​ണം അ​ട​ച്ചാ​ലും ക​ൺ​ഫേം ടി​ക്ക​റ്റ്​ ല​ഭി​ക്കു​ന്നി​ല്ലെ​ന്ന​താ​ണ്​ പ്ര​ശ്നം. പ​ണം അ​ക്കൗ​ണ്ടി​ൽ​നി​ന്ന്​ പോ​കു​മെ​ങ്കി​ലും ദി​വ​സ​ങ്ങ​ൾ പി​ന്നി​ട്ടാ​ലും റീ ​ഫ​ണ്ട്​ ആ​വു​ക​യു​മി​ല്ല. ടി​ക്ക​റ്റ്​ ബു​ക്കി​ങ്​ ഹി​സ്റ്റ​റി പ​രി​ശോ​ധി​ക്കു​മ്പോ​ഴാ​ക​ട്ടെ ഇ​ങ്ങ​നെ ഒ​രു ഇ​ട​പാ​ട്​ ന​ട​ന്നു​വെ​ന്ന വി​വ​ര​വു​മി​ല്ല. ദു​ര​നു​ഭ​വം ആ​വ​ർ​ത്തി​ച്ച​തോ​ടെ പ​ല​രും യു.​ടി.​എ​സ്​ വ​ഴി ടി​ക്ക​റ്റ്​ ബു​ക്ക്​ ചെ​യ്യാ​ൻ മ​ടി​ക്കു​ക​യാ​ണ്. ഇ​തോ​ടെ തി​രു​വ​ന​ന്ത​പു​രം സെ​ൻ​ട്ര​ൽ റെ​യി​ൽ​വേ സ്​​റ്റേ​ഷ​നി​ലെ​യ​ട​ക്കം കൗ​ണ്ട​റു​ക​ളി​ൽ തി​ര​ക്ക്​ വ​ർ​ധി​ച്ചി​ട്ടു​ണ്ട്.

യു.​ടി.​എ​സി​ൽ മാ​ത്ര​മ​ല്ല, ഐ.​ആ​ർ.​ടി.​സി.​ടി.​സി വ​ഴി​യു​ള്ള ബു​ക്കി​ങ്ങി​നെ​ക്കു​റി​ച്ചും സ​മാ​ന പ​രാ​തി​ക​ളു​ണ്ട്. ത​ത്​​കാ​ൽ ടി​ക്ക​റ്റ്​ എ​ടു​ക്കു​ന്ന​വ​രാ​ണ്​ കു​​ടു​​ങ്ങു​ന്ന​തി​ൽ അ​ധി​ക​വും. ടി​ക്ക​റ്റ്​ ല​ഭി​ക്കു​ന്നി​ല്ലെ​ന്ന്​ മാ​ത്ര​മ​ല്ല, പ​ണം ന​ഷ്​​ട​മാ​വു​ക​യു​മാ​ണ്. ഒ​രു മാ​സം പി​ന്നി​ട്ടി​ട്ടും തു​ക റീ​ഫ​ണ്ടാ​കു​ന്നി​ല്ലെ​ന്നാ​ണ്​ പ​രാ​തി. ഉ​യ​ർ​ന്ന നി​ര​ക്ക്​ ഈ​ടാ​ക്കു​ന്ന ത​ത്​​ക്കാ​ലി​ലാ​ണ്​ ഈ ​സ്ഥി​തി. ക​ൺ​ഫോം ആ​യ ടി​ക്ക​റ്റു​ക​ൾ റ​ദ്ദാ​ക്കി​യാ​ലും റീ​ഫ​ണ്ട്​ അ​നി​ശ്ചി​ത​മാ​യി വൈ​കു​ക​യാ​ണ്.

അ​തേ​സ​മ​യം സം​വി​ധാ​ന​ത്തി​ന്​ പോ​രാ​യ്മ​യി​ല്ലെ​ന്നും ഒ​റ്റ​പ്പെ​ട്ട ​പ്ര​ശ്ന​മാ​യി​രി​ക്കു​മെ​ന്നാ​ണ്​ റെ​യി​ൽ​വേ​യു​ടെ വി​ശ​ദീ​ക​ര​ണം. ത​ത്​​ക്കാ​ലി​നാ​യി ശ്ര​മി​ക്കു​മ്പോ​ൾ 150ഉം 170​ഉം ടി​ക്ക​റ്റ്​ ‘അ​വ​യി​ല​ബി​ൾ’ എ​ന്ന്​ കാ​ണി​ക്കും. ടി​ക്ക​റ്റ്​ തെ​ര​ഞ്ഞെ​ടു​ത്ത്​ ​ഓ​ൺ​​ലൈ​ൻ ഇ​ട​പാ​ട്​ വ​ഴി പ​ണം ന​ൽ​കി​ക​ഴി​യു​മ്പോ​ഴാ​ക​ട്ടെ ‘വെ​യി​റ്റി​ങ്​ ലി​സ്റ്റ്’​ ആ​വു​ന്ന സ്ഥി​തി​യു​മു​ണ്ട്. 

റി​സ​ർ​വേ​ഷ​ൻ കൗ​ണ്ട​റു​ക​ൾ വെ​ട്ടി​ക്കു​റ​ക്കു​ന്നു

ഓ​ൺ​ലൈ​നാ​യു​ള്ള ടി​ക്ക​റ്റെ​ടു​ക്ക​ൽ കൂ​ടി എ​ന്ന കാ​ര​ണം ചൂ​ണ്ടി​ക്കാ​ട്ടി കൗ​ണ്ട​റു​ക​ളു​ടെ എ​ണ്ണം വ്യാ​പ​ക​മാ​യി വെ​ട്ടി​ക്കു​റ​ക്കു​ക​യാ​ണ്. തി​രു​വ​ന​ന്ത​പ​രും ഡി​വി​ഷ​നി​ന്​ കീ​ഴി​ൽ തി​രു​വ​ന​ന്ത​പു​രം, കൊ​ല്ലം, കോ​ട്ട​യം, എ​റ​ണാ​കു​ളം ജ​ങ്​​ഷ​ൻ, എ​റ​ണാ​കു​ളം ടൗ​ൺ, ആ​ലു​വ, തൃ​ശൂ​ർ എ​ന്നി​വി​ട​ങ്ങ​ളി​ലാ​യി 143 ടി​ക്ക​റ്റ്​ കൗ​ണ്ട​റു​ക​ളാ​ണു​ണ്ടാ​യി​രു​ന്ന​ത്. എ​ന്നാ​ൽ ഇ​പ്പോ​ഴി​ത്​ 85 ആ​യി ചു​രു​ക്കി.

നേ​ര​ത്തേ റി​സ​ർ​വേ​ഷ​ൻ കൗ​ണ്ട​റു​ക​ളും ജ​ന​റ​ൽ ബു​ക്കി​ങ്​ കൗ​ണ്ട​റു​ക​ളും വെ​വ്വേ​റെ​യാ​ണ്​ പ്ര​വ​ർ​ത്തി​ച്ചി​രു​ന്ന​തെ​ങ്കി​ൽ പ​ല​യി​ട​ങ്ങ​ളി​ലും ഇ​വ ര​ണ്ടും ഒ​ന്നി​ച്ച​ണി​പ്പോ​ൾ. വി​പു​ല​മാ​യ സൗ​ക​ര്യ​ങ്ങ​ളാ​ണ്​ നേ​ര​ത്തെ റി​സ​ർ​വേ​ഷ​ന്​ എ​ത്തു​ന്ന​വ​ർ​ക്കാ​യി സ്​​റ്റേ​ഷ​നു​ക​ളി​ൽ ഏ​ർ​പ്പെ​ടു​ത്തി​യി​രു​ന്ന​ത്. കൗ​ണ്ട​റു​ക​ളെ​ല്ലാം ഒ​ന്നി​ച്ചാ​ക്കു​ന്ന​തി​ന്‍റെ ഭാ​ഗ​മാ​യി ഇ​വ​യെ​ല്ലാം വെ​ട്ടി​ക്കു​റ​ച്ചു. ഇ​തോ​ടെ സ്​​റ്റേ​ഷ​നു​ക​ളി​ലും വ​ലി​യ തി​ര​ക്കും അ​സൗ​ക​ര്യ​വു​മാ​ണ്​ അ​നു​ഭ​വ​പ്പെ​ടു​ന്ന​ത്.

ടിക്ക​റ്റ്​ റ​ദ്ദാ​ക്ക​ലും റെ​യി​ൽ​വേ​ക്ക്​ വ​രു​മാ​നം

ടി​ക്ക​റ്റ് വി​ൽ​പ​ന​യി​ലൂ​ടെ മാ​ത്ര​മ​ല്ല, ടി​ക്ക​റ്റ് റ​ദ്ദാ​ക്ക​ലി​ലൂ​ടെ​യും റെ​യി​ൽ​വേ കൊ​യ്യു​ന്ന​ത് കോ​ടി​ക​ളാ​ണെ​ന്നാ​ണ്​ ക​ണ​ക്ക്. ടി​ക്ക​റ്റ് റ​ദ്ദാ​ക്കു​മ്പോ​ൾ ഈ​ടാ​ക്കു​ന്ന തു​ക ഇ​ര​ട്ടി​യാ​ക്കി​യും ക​ൺേ​ഫാം ടി​ക്ക​റ്റു​ക​ൾ റ​ദ്ദാ​ക്കാ​നു​ള്ള സ​മ​യ​പ​രി​ധി വെ​ട്ടി​ച്ചു​രു​ക്കി​യ​തു​മാ​യി​രു​ന്നു റെ​യി​ൽ​വേ​യു​ടെ ഏ​റ്റ​വും ഒ​ടു​വി​ലെ പ​രി​ഷ്കാ​രം. ഇ​ത് യാ​ത്ര​ക്കാ​ര​ന്‍റെ പോ​ക്ക​റ്റ് പി​ഴി​യു​ക​യാ​ണ്. ട്രെ​യി​ൻ പു​റ​പ്പെ​ടു​ന്ന​തി​ന് നാ​ല് മ​ണി​ക്കൂ​ർ മു​മ്പു​വ​രെ റ​ദ്ദ് ചെ​യ്യു​ന്ന ടി​ക്ക​റ്റു​ക​ൾ​ക്കേ നി​ല​വി​ൽ പ​ണം തി​രി​കെ ല​ഭി​ക്കൂ.

ട്രെ​യി​ൻ പു​റ​പ്പെ​ട്ട് ര​ണ്ട് മ​ണി​ക്കൂ​ർ ക​ഴി​ഞ്ഞു​വ​രെ ടി​ക്ക​റ്റ് റ​ദ്ദാ​ക്കി​യാ​ൽ പ​കു​തി തു​ക വ​രെ നേ​ര​ത്തേ ല​ഭ്യ​മാ​യി​രു​ന്നു. ട്രെ​യി​ൻ പു​റ​പ്പെ​ടു​ന്ന​തി​ന് 48 മ​ണി​ക്കൂ​റി​ന് മു​മ്പു​ള്ള ടി​ക്ക​റ്റ് റ​ദ്ദാ​ക്ക​ലു​ക​ൾ​ക്ക് മി​നി​മം നി​ര​ക്ക് എ​ന്ന പേ​രി​ലാ​ണ് റെ​യി​ൽ​വേ​യു​ടെ പോ​ക്ക​റ്റ​ടി. ഏ​ത് ത​രം കോ​ച്ചാ​യാ​ലും വെ​യി​റ്റി​ങ് ലി​സ്റ്റി​ൽ​പെ​ടു​ക​യും പി​ന്നീ​ട് റ​ദ്ദാ​ക്കേ​ണ്ടി വ​രി​ക​യും ചെ​യ്താ​ൽ 60 രൂ​പ ന​ഷ്ട​പ്പെ​ടു​ക​യാ​ണ്. നേ​ര​ത്തെ സെ​ക്ക​ൻ​ഡ് ക്ലാ​സു​ക​ളി​ൽ ഇ​ത് 30 രൂ​പ മാ​ത്ര​മാ​യി​രു​ന്നു.