തിരുവനന്തപുരം: തിരുവനന്തപുരം പ്രസ് ക്ലബിന്റെ ഇൻസ്റ്റിറ്റ്യൂട്ട് ഓഫ് ജേണലിസം നടത്തുന്ന സർക്കാർ അംഗീകൃത ബിരുദാനന്തര ഡിപ്ലോമ ജേണലിസം കോഴ്‌സിലേക്കും കണ്ടൻസ്ഡ് ജേണലിസം കോഴ്‌സിലേക്കും അപേക്ഷ ക്ഷണിച്ചു. ബിരുദാനന്തര ഡിപ്ലോമ ജേണലിസത്തിന് ഒരു വർഷമാണ് കാലാവധി.
സർവകലാശാല ബിരുദമാണ് യോഗ്യത. 50,000 രൂപയാണ് കോഴ്‌സ് ഫീസ്. അവസാനവർഷ പരീക്ഷയെഴുതി ഫലം കാത്തിരിക്കുന്നവർക്കും അപേക്ഷിക്കാം. ഉയർന്ന പ്രായപരിധി 28. പ്രവേശനപരീക്ഷയുടെയും ഇന്റർവ്യൂവിന്റെയും അടിസ്ഥാനത്തിലാണ് പ്രവേശനം.
പ്രായപരിധിയില്ലാതെ മാധ്യമപ്രവർത്തനം പഠിക്കാൻ നടത്തുന്ന ആറുമാസത്തെ കണ്ടൻസ്ഡ് ജേർണലിസം ബിരുദാനന്തര ഡിപ്ലോമ കോഴ്‌സിന് ബിരുദമാണ് അടിസ്ഥാന യോഗ്യത. കോഴ്‌സ് ഫീസ് 40,000 രൂപ. ഈവനിങ് കോഴ്‌സാണ്. ക്ലാസ് സമയം വൈകീട്ട് 6.00 മുതൽ 7.30 വരെ.
അപേക്ഷഫോറം www.keralapressclub.com ലും നേരിട്ടും ലഭിക്കും. അപേക്ഷയോടൊപ്പം 500 രൂപ അപേക്ഷ ഫീസ് പ്രസ് ക്ലബിന്റെ അക്കൗണ്ടിൽ അടച്ചതിന്റെ കൗണ്ടർഫോയിൽ കൂടി ഉൾപ്പെടുത്തണം. അപേക്ഷകൾ അയക്കേണ്ട ഇ-മെയിൽ: ijtrivandrum@gmail.com. അവസാന തീയതി: മേയ് 30. വിശദവിവരങ്ങൾക്ക്: 9746224780, 0471-2330380. ഇ-മെയിൽ : ijtrivandrum@gmail.com.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.