അവധിക്കാലം വായനയുടെയും കാലം; തിരക്കിലമർന്ന്​ ലൈബ്രറികൾ

തിരുവനന്തപുരം: അവധിക്കാലം പ്രയോജനപ്രദമായി വിനിയോഗിക്കുകയാണ് വിദ്യാർഥികൾ. വേനൽ അവധി ആരംഭിച്ചതോടെ ലൈബ്രറികളിലെ തിരക്കും വർധിച്ചു. കോവിഡ് കാലവും ലോക്​ഡൗണുമെല്ലാം കുട്ടികൾക്കിടയിൽ വായനശീലം വർധിക്കാൻ കാരണമായിരുന്നു. പ​േക്ഷ അത് ഓൺലൈൻ ആയിരുന്നുവെന്നുമാത്രം. കോവിഡ്​ നിയന്ത്രണങ്ങൾ നീങ്ങിയതോടെ പുസ്തകവായന പഴയപോലെ സജീവമായി. ലൈബ്രറികൾ സജീവമായിരിക്കുകയാണിപ്പോൾ. റഫറൻസ് പുസ്തകങ്ങളും വലിയതോതിൽ പ്രയോജനപ്പെടുത്തുന്നു​ണ്ടെന്ന്​ ലൈബ്രറി ജീവനക്കാർ പറയുന്നു. നോവലുകളും ചെറുകഥകളും ഇന്നും എല്ലാ വിഭാഗം വായനക്കാർക്കും പ്രിയപ്പെട്ടതാണ്. എന്നാൽ ഗവേഷണ സംബന്ധമായ പുസ്തകങ്ങൾക്കും വായനക്കും പ്രസക്തിയേറുന്നുവെന്നതാണ്​ പുതിയ ട്രെൻഡ്​. പുതിയത് പഠിക്കാനും അറിയാനുമുള്ള ജിജ്ഞാസ വർധിച്ചതായാണ് കാണുന്നതെന്ന്​ ലൈ​േബ്രറിയന്മാർ ചൂണ്ടിക്കാട്ടുന്നു. സ്റ്റേറ്റ് ലൈബ്രറിയുടെ ബ്രിട്ടീഷ് ബ്ലോക്കിലും മലയാളം ബ്ലോക്കിലുമെല്ലാം ദിനംപ്രതി ധാരാളം വിദ്യാർഥികളാണ് എത്തുന്നത്. public library