പേട്ട റെയില്വേ മേല്പാലം അപ്രോച്ച് റോഡ് അറ്റകുറ്റപ്പണി രണ്ടുമാസത്തിനകം- മന്ത്രി റിയാസ് തിരുവനന്തപുരം: പേട്ട റെയില്വേ മേല്പാലം അപ്രോച്ച് റോഡിൻെറ തകര്ന്നുപോയ ഭാഗത്തെ അറ്റകുറ്റപ്പണി രണ്ടുമാസത്തിനകം പൂര്ത്തിയാക്കുമെന്ന് പൊതുമരാമത്ത് മന്ത്രി പി.എ. മുഹമ്മദ് റിയാസ്. അപ്രോച്ച് റോഡിൻെറ തകര്ന്നുപോയ ഭാഗത്തെ നിര്മാണം വിലയിരുത്തിയ ശേഷം സംസാരിക്കുകയായിരുന്നു അദ്ദേഹം. ഒക്ടോബര് മാസത്തോടുകൂടി 45 മീറ്റര് നീളത്തില് ഭിത്തികെട്ടി പാലം പൂര്ണമായും ഗതാഗതത്തിന് തുറന്നുകൊടുക്കാന് കഴിയും. ഇതു ലക്ഷ്യംെവച്ച് യുദ്ധകാലാടിസ്ഥാനത്തില് പ്രവൃത്തികള് പുരോഗമിക്കുകയാണെന്നും മന്ത്രി പറഞ്ഞു. ഗതാഗതമന്ത്രി ആൻറണി രാജുവും ഒപ്പമുണ്ടായിരുന്നു. ശക്തമായ കാറ്റിന് സാധ്യത; അഞ്ചിന് കടലില് പോകരുത് തിരുവനന്തപുരം: കേരള-ലക്ഷദ്വീപ് തീരങ്ങളില് സെപ്റ്റംബര് അഞ്ചിന് മണിക്കൂറില് 40 മുതല് 50 കി.മീറ്റർ വരെ വേഗത്തില് വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥവകുപ്പ് അറിയിച്ചിട്ടുള്ളതിനാല് മത്സ്യത്തൊഴിലാളികള് കടലില് പോകരുതെന്ന് ജില്ല കലക്ടര് ഡോ. നവ്ജ്യോത് ഖോസ അറിയിച്ചു. വടക്കന് തമിഴ്നാട് തീരങ്ങളില് വ്യാഴാഴ്ച മണിക്കൂറില് 40 മുതല് 50 കി.മീറ്റർ വരെ വേഗത്തില് വീശിയടിച്ചേക്കാവുന്ന കാറ്റിനും വടക്കന് ആന്ധ്രതീരങ്ങളില് നാലിനും അഞ്ചിനും മണിക്കൂറില് 40 മുതല് 50 കി.മീറ്റർ വരെ വേഗത്തില് വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.