ആഡംബര ബസുകൾ: കയറൂരിവിടാനുള്ള നീക്കത്തിൽനിന്ന്​ ​േകന്ദ്രം പിന്നോട്ട്​

തിരുവനന്തപുരം: 22 സീറ്റിന്​ മുകളിലുള്ള എ.സി ബസുകൾക്ക്​ ഏത്​ റൂട്ടിലും പെർമിറ്റില്ലാതെ ഒാടാൻ അനുമതി നൽകുന്ന കരട്​ വിജ്ഞാപനത്തിൽനിന്ന്​ കേ​ന്ദ്ര ഉപരിതല ഗതാഗത മന്ത്രാലയം പിന്മാറുന്നു. കേരളമടക്കം സംസ്ഥാനങ്ങൾ എതിർപ്പുയർത്തിയ സാഹചര്യത്തിലാണ്​ ​കേന്ദ്രം അയയുന്നത്​. കഴിഞ്ഞദിവസം ഡൽഹിയിൽ നടന്ന കൂടിക്കാഴ്​ചയിൽ​ കേന്ദ്രമന്ത്രി നിതിൻ ഗഡ്​ഗരി ഇക്കാര്യം ഉറപ്പുനൽകിയതായി മന്ത്രി എ.കെ. ശശീന്ദ്രൻ വ്യക്തമാക്കി. കെ.എസ്​.ആർ.ടി.സിയെ മാത്രമല്ല ചെറുകിട സ്വകാര്യ ബസ്​ വ്യവസായത്തെയും പ്രതികൂലമായി ബാധിക്കുന്ന നീക്കമായിരുന്നു കേന്ദ്രത്തി​​ൻെറത്​. സംസ്ഥാന സർക്കാറി​ൻെറ സ്​റ്റേജ്​ കാര്യേജ​്​ പെർമിറ്റ്​ വേണമെന്നതാണ് എ.സി ബസുകൾക്ക്​ റൂട്ട്​ ബസായി ഒാടാനുള്ള പ്രധാന തടസ്സം. റൂട്ടും സമയവും ടിക്കറ്റ്​ നിരക്കുമെല്ലാം സർക്കാർ നിശ്ചയിക്കും. കരാറടിസ്ഥാനത്തിൽ ഒരു സ്ഥലത്തുനിന്ന്​ യാത്രക്കാരെ കൂട്ടത്തോടെ മറ്റൊരു സ്ഥലത്തേക്ക്​ കൊണ്ടുപോകാനുള്ള കോൺട്രാക്​ട്​ കാര്യേജ്​ പെർമിറ്റാണ്​ നിലവിൽ നൽകുന്നത്​. റൂട്ട്​ ബസുകളെപ്പോലെ പോയൻറുകളിൽനിന്ന്​ ആളെയെടുക്ക​ാനോ ടിക്കറ്റ്​ നൽകാ​നോ നിയമപ്രകാരം അനുവാദമില്ല. വിവാഹം, തീർഥാടനം, വിനോദയാത്ര എന്നീ ആവശ്യങ്ങൾക്കാണ്​ കോൺട്രാക്​റ്റ്​ കാര്യേജുകൾ​ ഉപയോഗിക്കുന്നത്​. കേന്ദ്രത്തി​ൻെറ കരട്​ ​നോട്ടിഫി​േക്കഷൻ അന്തിമ വിജ്ഞാപനമായി ഇറങ്ങിരുന്നെങ്കിൽ എ.സി ബസുകൾക്ക്​ അവർ നിശ്ചയിക്കുന്ന സമയത്ത്​ ഏത്​ റൂട്ടിലും പെർമിറ്റില്ലാതെ ഒാടാനാകുന്ന സാഹചര്യമുണ്ടാകുമായിരുന്നു​. കേന്ദ്രനീക്കം കെ.എസ്.ആർ.ടി.സിയെ സംരക്ഷിക്കാൻ സംസ്ഥാന സർക്കാർ നടപ്പാക്കിയ ഫ്ലീറ്റ്​ ഓണർ നിയമത്തെ സ്വകാര്യ ബസ്​ കമ്പനികൾക്ക്​ മറികടക്കാൻ നിയമപരിരക്ഷ നൽകുന്നതായിരുന്നു. സംസ്ഥാനത്തിനുള്ളിൽ ദീർഘദൂര ബസുകൾ ഓടിക്കണമെങ്കിൽ നിശ്ചിത കിലോമീറ്ററുകൾക്കുള്ളിൽ ബസ് സ്​റ്റാൻഡും യാത്രക്കാർക്ക് വിശ്രമസൗകര്യവും വേണം. നിലവിൽ ഇൗ സൗകര്യം കെ.എസ്​.ആർ.ടി.സിക്ക്​ മാത്രമാണുള്ളത്​. കെ.എസ്.ആർ.ടി.സിക്ക്​ മാത്രമായി ഓടാൻ അനുവദിച്ച ദേശസാത്കൃത സ്‌കീമിനും നീക്കം തിരിച്ചടിയാകുമായിരുന്നു.