തണ്ടർബോൾട്ട്​ കേരളത്തിൽ ആവ​ശ്യമില്ല - സി.പി.​െഎ

തിരുവനന്തപുരം: മാവോവാദി വേട്ടക്കായി രൂപവത്​കരിച്ച തണ്ടർബോൾട്ടി​ൻെറ പ്രവർത്തനം കേരളവനത്തിൽ ആവശ്യമില്ലെന്ന്​ സി.പി.​െഎ സംസ്ഥാന സെക്രട്ടറി കാനം രാജേന്ദ്രൻ. കേന്ദ്രസർക്കാറി​ൻെറ നക്​സൽവിരുദ്ധ സേനയായ തണ്ടർബോൾട്ടിൽനിന്ന്​ കേരളം പിന്മാറണമെന്നാണ്​ സംസ്ഥാന കൗൺസിൽ പ്രമേയത്തി​ൻെറ അന്തഃസത്ത. ഇക്കാര്യത്തിൽ സർക്കാർ തീരുമാനം എടുക്കണമെന്നും അദ്ദേഹം വാർത്തസമ്മേളനത്തിൽ ആവശ്യപ്പെട്ടു. ആളുകളെ വെടിവെച്ച്​ കൊല്ലുന്നത്​ എൽ.ഡി.എഫി​ൻെറ മിനിമം പൊതുപരിപാടിയിൽ ഇല്ല. അത്​ സർക്കാറി​ൻെറ ലക്ഷ്യമല്ലെന്ന്​ മുഖ്യമന്ത്രിയും പറഞ്ഞിട്ടുണ്ട്​. സർക്കാറിൽ താഴെ നിന്ന്​ നൽകുന്ന റിപ്പോർട്ട്​ ​പ്രകാരമാണ്​ മുഖ്യമന്ത്രി സംസാരിക്കുന്നത്​. പക്ഷേ, തങ്ങൾ പറയുന്നത്​ വിഷയം രാഷ്​ട്രീയമായി വിലയിരുത്തിയാണ്​. മഞ്ചക്കണ്ടി മാവോവാദി​ വധശേഷം സി.പി.​െഎ നൽകിയ അന്വേഷണ റിപ്പോർട്ടിന്മേൽ സർക്കാർ എന്ത്​ നടപടി സ്വീകരി​െച്ചന്ന ചോദ്യത്തിന്​ 'മജിസ്​റ്റീരിയൽ എൻക്വയറി റിപ്പോർട്ട്​ തന്നെ സർക്കാർ വെളിപ്പെടുത്തിയിട്ടില്ല പി​െന്നയല്ലേ സി.പി.​െഎ റിപ്പോർട്ട്'​ എന്നായിരുന്നു മറുപടി. ഝാർഖണ്ഡിലും മധ്യപ്രദേശിലും ഉള്ള മാവോവാദിപ്രവർത്തനം കേരളത്തിലില്ല. മാവോവാദി​ ഭീഷണി നിലനിൽക്കേണ്ട ആവശ്യം പൊലീസിന്​ മാത്രമാണ്​. കേന്ദ്രം അനുവദിക്കുന്ന ഫണ്ടി​ൻെറ ആവശ്യം അവർക്കാണ്​. അതിന്​ ആളുകളെ വെടിവെച്ച്​ കൊല്ലേണ്ട ആവശ്യമില്ലെന്നും കാനം പറഞ്ഞു. സംസ്ഥാന കൗൺസിൽ​ തീരുമാനപ്രകാരം പി.എസ്​. സുപാലിനെ മൂന്ന്​ മാസത്തേക്ക്​ സസ്​പെൻഡ്​ ചെയ്യാനും ആർ. രാജേന്ദ്രനെ പരസ്യമായി ശാസിക്കാനും തീരുമാനിച്ചു. ഇത്​ സംബന്ധിച്ച്​ സി.പി.​െഎയിൽ അഭി​പ്രായവ്യത്യാസമുണ്ടെന്ന്​ വരുത്തിത്തീർക്കേണ്ടത്​ ചിലരുടെ ആവശ്യമാണ്​. ബിനീഷ്​ കോടിയേരിയുടെ വീട്ടിലെ ഇ.ഡി റെയ്​ഡ്​ ഒരു രാഷ്​ട്രീയപ്രശ്​നമല്ല. നിയമം നിയമത്തി​ൻെറ വഴിക്ക്​ പോവണമെന്നാണ്​ സി.പി.​െഎ നിലപാട്​. കേന്ദ്ര ഏജൻസികൾ വിളിച്ചതുകൊണ്ട്​ ഒരാൾ ​പ്രതിയോ കുറ്റക്കാര​നോ ആവുന്നില്ലെന്ന്​ മുഖ്യമന്ത്രിയുടെ അഡീഷനൽ പ്രൈവറ്റ്​ സെക്രട്ടറിയെ ചോദ്യംചെയ്യാൻ ഇ.ഡി വിളിപ്പിച്ചതിൽ കാനം പ്രതികരിച്ചു.