പൊട്ടക്കിണറ്റിനുള്ളിൽ ലോക്കറും മൂർഖൻ പാമ്പും

ബാലരാമപുരം: വർഷങ്ങളായി ശുചീകരണമില്ലാതെ കിടക്കുന്ന പൊട്ടക്കിണറ്റിൽനിന്ന്​ സ്വർണം സൂക്ഷിക്കുന്ന ലോക്കറും മൂർഖൻ പാമ്പിനെയും കണ്ടെത്തി. നെയ്യാർമേളയുടെ ഭാഗമായി ആറാലൂംമൂട് കാളചന്തയിലെ കിണർ ശുചീകരിക്കുന്നതിനിടെയാണ്​ അമ്പത് കിലോയിലേറെ ഭാരം വരുന്ന ലോക്കർ ലഭിച്ചത്. ലോക്കർ പുറത്തെടുക്കുന്നതിനിടെയാണ് കിണറ്റിനുള്ളിൽ നിന്നും മൂർഖൻപാമ്പിനെയും കണ്ടെത്തിയത്. നാല് ദിവസമായി ശുചീകരണം നടത്തി വന്നിരുന്ന കിണറിനുള്ളിൽ ചെളിയിൽ പുതഞ്ഞ നിലയിലാണ്​ ലോക്കർ കണ്ടത്. മുന്ന് അറകളുള്ള ലോക്കറിന്‍റെ പൂട്ട് തുറന്ന നിലയിലായിരുന്നു. സംഘാടകർ അറിയിച്ചതോടെ പൊലീസെത്തി ലോക്കർ കൊണ്ടുപോയി. തുടർന്ന് വാവ സുരേഷും ഫയർഫോഴ്സ്​ സംഘവുമെത്തി കിണറ്റിനുള്ളിലിറങ്ങി സാഹസികമായി മൂർഖൻ പാമ്പിനെ പിടികൂടി പുറത്തെത്തിച്ചു. കൂടുതൽ അന്വേഷണം നടത്തുമെന്നും മോഷണത്തിന്‍റെ ഭാഗമായിട്ടാണോ ലോക്കർ കിണറിൽ ഉപേക്ഷിച്ചതെന്നുമുള്ള അന്വേഷണം നടത്തുമെന്നും നെയ്യാറ്റിൻകര പൊലീസ്​ അറിയിച്ചു. lockar blpm kinar blpm ചിത്രം ആറാലുംമൂട് കന്നുകാലി ചന്തയിലെ കിണർ