പ്രതികൾ
ആമ്പല്ലൂർ: ആമ്പല്ലൂരിൽ ബാറിൽ ഓട്ടോറിക്ഷ പുറകിലേക്ക് എടുക്കുന്നത് കണ്ട് ചിരിച്ചതിലുള്ള ദേഷ്യത്തിൽ യുവാക്കളെ ആക്രമിച്ച രണ്ടുപേരെ പുതുക്കാട് പൊലീസ് അറസ്റ്റ് ചെയ്തു. ക്രിമിനൽ കേസുകളിൽ പ്രതികളായ കല്ലൂർ കോട്ടായി സ്വദേശി ചിങ്ങിനിക്കാടൻ ഡെന്നീസ്, കല്ലൂർ പാലക്കപറമ്പ് സ്വദേശി കോന്നത്ത് പറമ്പിൽ രജീഷ് എന്നിവരാണ് അറസ്റ്റിലായത്.
അമ്പല്ലൂർ വട്ടണാത്ര സ്വദേശി കിഴക്കൂട്ട് അഭിരാം, കല്ലൂർ സ്വദേശി മണപ്പെട്ടി നിധിൻ എന്നിവർക്കാണ് പരിക്കേറ്റത്. ചൊവ്വാഴ്ച രാത്രിയിലാണ് സംഭവം. പ്രതികളെ സംഭവസ്ഥലത്തെത്തിച്ച് തെളിവെടുപ്പ് നടത്തി. കൊലപാതകം, കൊലപാതക ശ്രമം, കവർച്ച, മോഷണം, ജയിലിൽ മൊബൈൽ ഫോൺ ഉപയോഗിക്കൽ തുടങ്ങി പത്തോളം കേസുകളിൽ പ്രതിയാണ് ഡെന്നീസ്. പുതുക്കാട്, വരന്തരപ്പിള്ളി, ഒല്ലൂർ, പേരാമംഗലം, വിയ്യൂർ സ്റ്റേഷനുകളിൽ കേസുണ്ട്. പുതുക്കാട് ഇൻസ്പെക്ടർ മഹേന്ദ്ര സിംഹന്റെ നേതൃത്വത്തിലാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.