വിൽസൻ ശ്രീശാന്ത് കിരൺ
കൊരട്ടി: മേലൂരിൽ ടാർ വീപ്പകൾ മോഷ്ടിച്ച കേസിൽ ആറ് പേർ അറസ്റ്റിൽ. അഷ്ടമിച്ചിറ കോൾക്കുന്ന് പള്ളിയിൽ വീട്ടിൽ ശ്രീശാന്ത് (36), ഇരിങ്ങാലക്കുട വല്ലക്കുന്ന് പള്ളിപ്പാടൻ വീട്ടിൽ വിൽസൻ (55), വടമ കാട്ടിക്കരക്കുന്ന് തെക്കേടത്ത് കിരൺ (30), വെള്ളോളിൽ ശ്യാം (33), ചാലക്കുടി പോട്ട പടിഞ്ഞാറേക്കാടൻ ബിജു (30), അഷ്ടമിച്ചിറ വടക്കുംകാവ് കാലടി വീട്ടിൽ സുബ്രഹ്മണ്യൻ (65) എന്നിവരെയാണ് കൊരട്ടി പൊലീസ് അറസ്റ്റ് ചെയ്തത്.
മുരിങ്ങൂരിൽ വാട്ടർ അതോറിറ്റിയുടെ പൈപ്പ് ലൈൻ വലിക്കുന്ന പണികളുടെ ഭാഗമായി റോഡ് കുത്തിപ്പൊളിച്ചത് ടാർ ചെയ്യാൻ സൂക്ഷിച്ച ടാർ വീപ്പകളാണ് മോഷണം പോയത്. രണ്ടു ദിവസമായി ഗുഡ്സ് ഓട്ടോയിൽ 10 വീപ്പകളാണ് പ്രതികൾ കടത്തിയത്. ഒരു വീപ്പക്ക് 10,000 രൂപയോളം വില വരും. പ്രതികൾക്കൊപ്പം വാങ്ങിയ ആളും ഗുഡ്സ് ഓട്ടോറിക്ഷ ഡ്രൈവറും അറസ്റ്റിലായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.