പു​ലിപ്പൂ​രം

തൃ​ശൂ​ർ: ത​ട്ട​ക​ങ്ങ​ളി​ലെ പു​ലി​യൊ​രു​ക്ക​ങ്ങ​ളു​ടെ അ​വ​സാ​നം അ​സു​ര​വാ​ദ്യ​ത്തി​ന് പെ​രു​മ്പ​റ മു​ഴ​ങ്ങി​യ​പ്പോ​ൾ ത​ട്ട​ക​ങ്ങ​ൾ ആ​വേ​ശം കൊ​ണ്ടു. ചാ​യ​ത്തി​ൽ മു​ങ്ങി​യ പു​ലി​ക​ൾ​ക്ക് ആ​വേ​ശ​ത്തി​ന്‍റെ അ​ര​മ​ണി കെ​ട്ടാ​ൻ നാ​ട് ഓ​ടി​ക്കൂ​ടി. നാ​ലോ​ണ​ത്തി​ലെ തൃ​ശൂ​രി​ന്‍റെ സാ​യാ​ഹ്നം അ​ര​മ​ണി​ക്കി​ലു​ക്ക​ത്തി​ലും പു​ലി​ക്കൊ​ട്ടി​ലും താ​ള​ത്തോ​ടെ മു​ങ്ങി. ചു​വ​ടു​വെ​ച്ച് മ​ട​വി​ട്ടി​റ​ങ്ങി ന​ഗ​ര​ത്തി​ലേ​ക്ക് എ​ത്തി​യ​തോ​ടെ സ്വ​രാ​ജ് റൗ​ണ്ടി​നു ചു​റ്റും കാ​ത്തു​നി​ന്ന ജ​ന​സ​ഹ​സ്ര​ങ്ങ​ൾ ആ​ർ​ത്തി​ര​മ്പി. ക​ർ​പ്പൂ​ര വി​ള​ക്കു​ക​ൾ​ക്ക് ചു​റ്റും താ​ള​ത്തോ​ടെ ചു​വ​ടു​വെ​ച്ച് പു​ലി​ക​ൾ ന​ടു​വി​ലാ​ൽ ഗ​ണ​പ​തി​ക്ക് മു​ന്നി​ൽ തൊ​ഴു​തും സാ​ഷ്ടാം​ഗം പ്ര​ണ​മി​ച്ചും തേ​ങ്ങ​യു​ട​ച്ചു. ക​ർ​ക്ക​ട​ക​ത്തി​ന്‍റെ ക​റു​ത്ത​നാ​ളു​ക​ൾ ക​ഴി​ഞ്ഞെ​ത്തി​യ ഓ​ണം പു​ലി​ക​ളി​യോ​ടെ ആ​ഘോ​ഷ​ത്തി​ന്‍റെ പാ​ര​മ്യ​ത്തി​ലാ​യി. തൃ​ശൂ​രി​ലെ ര​ണ്ടാം പൂ​രം കെ​ങ്കേ​മം... സം​സ്ഥാ​ന ടൂ​റി​സം വ​കു​പ്പും ഡി.​ടി.​പി.​സി​യും തൃ​ശൂ​ര്‍ കോ​ര്‍പ​റേ​ഷ​നും ജി​ല്ല ഭ​ര​ണ​കൂ​ട​വും സം​യു​ക്ത​മാ​യി ന​ട​ത്തു​ന്ന ഓ​ണാ​ഘോ​ഷ​ത്തി​ന്‍റെ ഭാ​ഗ​മാ​യി​രു​ന്നു പു​ലി​ക​ളി. അ​ഞ്ച് സം​ഘ​ങ്ങ​ളി​ലാ​യി പെ​ൺ​പു​ലി​ക​ൾ ഉ​ൾ​പ്പെ​ടെ 250ലേ​റെ ക​ലാ​കാ​ര​ന്മാ​രാ​ണ് പു​ലി​ക​ളി​ക്ക് വേ​ഷ​മി​ട്ട് ദേ​ശം​താ​ണ്ടി ന​ഗ​ര​ത്തി​ലെ​ത്തി​യ​ത്.

സ​ർ​ക്കാ​ർ സം​വി​ധാ​ന​ങ്ങ​ൾ ഒ​പ്പം ചേ​ർ​ന്ന​തോ​ടെ ഇ​ക്കു​റി സം​ഘ​ങ്ങ​ൾ ആ​ശ്വാ​സ​ത്തി​ലാ​ണ്. നാ​ല​ര ല​ക്ഷ​ത്തോ​ള​മാ​ണ് ഇ​ക്കു​റി വി​വി​ധ​യി​ട​ങ്ങ​ളി​ൽ​നി​ന്നു​ള്ള ധ​ന​സ​ഹാ​യം. ഇ​തു​കൂ​ടാ​തെ ഒ​ന്നും ര​ണ്ടും മൂ​ന്നും സ്ഥാ​ന​ക്കാ​ർ​ക്ക് വേ​റെ​യും സ​മ്മാ​ന​ങ്ങ​ളു​ണ്ട്. പു​ലി​യാ​ഘോ​ഷം കാ​ണാ​ൻ സ്വ​രാ​ജ് റൗ​ണ്ട് ചു​റ്റി തേ​ക്കി​ൻ​കാ​ട്ടി​ലും കെ​ട്ടി​ട​ങ്ങ​ൾ​ക്ക് മു​ക​ളി​ലു​മാ​യി സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നെ​ത്തി​യ​വ​ർ നേ​ര​ത്തേ​ത​ന്നെ സ്ഥാ​നം​പി​ടി​ച്ചി​രു​ന്നു. വി​ദേ​ശ വി​നോ​ദ​സ​ഞ്ചാ​രി​ക​ൾ​ക്കാ​യി പ്ര​ത്യേ​ക പ​വ​ലി​യ​നും ഒ​രു​ക്കി. ഓ​രോ പു​ലി​ക​ളി സം​ഘ​ത്തേ​യും ആ​ര​വ​ങ്ങ​ളോ​ടെ​യാ​ണ് ജ​ന​ക്കൂ​ട്ടം വ​ര​വേ​റ്റ​ത്. സ​മൂ​ഹ മാ​ധ്യ​മ​ങ്ങ​ളി​ൽ അ​പ്ഡേ​റ്റി​നാ​യി അ​നേ​ക കൈ​ക​ളി​ൽ​നി​ന്ന് കാ​മ​റ​ക​ൾ മി​ന്നി. പു​രാ​ണ​ങ്ങ​ളി​ലെ സ​ന്ദ​ർ​ഭ​ങ്ങ​ളും സാ​മൂ​ഹി​ക വി​ഷ‍യ​ങ്ങ​ളും ഉ​ൾ​പ്പെ​ടു​ത്തി​യ നി​ശ്ച​ല ദൃ​ശ്യ​ങ്ങ​ൾ പു​ലി​ക്കൂ​ട്ട​ങ്ങ​ൾ​ക്ക് പൊ​ലി​മ​യേ​കി. പു​ള്ളി​പ്പു​ലി​ക​ളും ക​രി​മ്പു​ലി​ക​ളും വെ​ള്ള​പ്പു​ലി​ക​ളും കൂ​ടാ​തെ ഹൈ​ടെ​ക് ന്യൂ​ജ​ന്‍ പു​ലി​ക​ളും ഉ​ല​ക്ക​മേ​ൽ ക​യ​റി​യു​ള്ള പു​ലി​ക​ളു​ടെ അ​ഭ്യാ​സ പ്ര​ക​ട​ന​ങ്ങ​ളു​മ​ട​ക്കം ആ​സ്വാ​ദ​ക​മ​നം ക​വ​ർ​ന്നു.

കു​ട​വ​യ​ര്‍ കു​ലു​ക്കു​ന്ന പു​ലി​ക​ള്‍ക്കി​ട​യി​ല്‍ കു​ട്ടി​പ്പു​ലി​ക​ളു​ടെ ചു​വ​ടു​ക​ളും കൗ​തു​ക​ക്കാ​ഴ്ച​യാ​യി. ആ​സ്വാ​ദ​ക​ർ​ക്ക് ആ​ന​ന്ദ​ക്കാ​ഴ്ച​ക​ളേ​റെ​യൊ​രു​ക്കി​യാ​ണ് പു​ലി​ക​ളി സം​ഘ​ങ്ങ​ൾ ന​ഗ​രം വി​ട്ട​ത്.