ദേശീയപാത വികസനം: ഇഴഞ്ഞിഴഞ്ഞ്​ ഭൂമിയുടെ രേഖ പരിശോധന

തൃശൂർ: ജനം ബഹിഷ്​കരണം തുടരുന്നതിനിടെ കുറ്റിപ്പുറം^ഇടപ്പള്ളി ദേശീയപാത 66 (17) വികസനത്തിനായി ജില്ലയിൽ ഏറ്റെടുക്കുന്ന ഭൂമിയുടെ രേഖപരിശോധന എങ്ങുമെത്തിയില്ല. കഴിഞ്ഞ മാസം 11ന്​ തുടങ്ങിയ പരിശോധനക്ക്​ ഇതുവരെ ഹാജരായത്​ 855 പേർ മാത്രം. കോവിഡിനപ്പുറം ജനത്തി​െൻറ എതിർപ്പാണ്​ പരിശോധന ഇഴയാൻ കാരണമെന്ന്​ അധികൃതർ വിശദീകരിച്ചു.

ആദ്യദിനമായ 11ന്​ 200 പേരിൽ പരിശോധനക്ക്​ എത്തിയത്​ അഞ്ചുപേർ മാത്രമായിരുന്നു. തുടർദിവസങ്ങളിലും സ്​ഥിതി മറിച്ചല്ല. എന്നാൽ, ​െകാടുങ്ങല്ലൂർ ടൗൺഹാളിൽ നടക്കുന്ന രേഖപരിശോധനക്ക്​ എത്താതെ കൊടുങ്ങല്ലൂരിലെ എൻ.എച്ച്​ എൽ.എ ഒാഫിസിലും ആളുകൾ എത്തുന്നുണ്ട്​. വരുംദിവസങ്ങളിൽ കൊടുങ്ങല്ലൂർ താലൂക്കിലെ നഗരസഭ പ്രദേശങ്ങളിലെയും ലോകമലേശ്വരം വില്ലേജിലെയും ആളുകളുടെ ഹിയറിങ്​ നടക്കും.

കുറ്റിപ്പുറം^ഇടപ്പള്ളി ദേശീയപാത 66 (17) വികസനത്തിനായി ജില്ലയിൽ ഏറ്റെടുക്കുന്ന ഭൂമിയുടെ രേഖപരിശോധന പാതയോരവാസികൾ ബഹിഷ്​കരിച്ചു. ആദ്യഘട്ടത്തിൽ മൂന്ന്​ എ വിജ്​ഞാപനമിറക്കിയ 54 ഹെക്​ടർ ഭൂമിയിലെ 3500ൽ അധികം ആളുകളാണ്​ തങ്ങളുടെ രേഖകളുമായി പരിശോധന നടത്തേണ്ടത്​. ഓരോ വില്ലേജിലെയും ഏകദേശം നൂറോളം സ്ഥലം ഉടമകൾവീതം എന്നനിലയിൽ കണക്കുകൂട്ടി പ്രതിദിനം ഇരുനൂറോളം പേരെ അധികൃതർ പ്രതീക്ഷിച്ചിരുന്നു.

എന്നാൽ, ഇത്​ ജനം ബഹിഷ്​കരിക്കുകയായിരുന്നു. അതിനിടെ ഇൗമാസം 30ന്​ രേഖപരിശോധനക്ക്​ നൽകിയ സമയം അവസാനിക്കും. കൂടുതൽ സമയം അനുവദിക്കണമെന്നാവശ്യപ്പെട്ട്​ ജനം അപേക്ഷ നൽകിയിട്ടുണ്ടെങ്കിലും ഇക്കാര്യത്തിൽ നടപടി സ്വീകരിച്ചിട്ടില്ല. കോവിഡും കാലവർഷവും ഉൾപ്പെടെ ദുരിതപൂർണ സാഹചര്യവുമാണ്​ ജനം കൂടുതൽ സമയം ആവശ്യപ്പെടാൻ കാരണം. പുനരധിവാസകാര്യത്തിൽ അധികാരികൾ ഒന്നും വ്യക്​തമാക്കാത്തത്​ ഉൾപ്പെടെ കാര്യങ്ങൾ മുൻനിർത്തി പ്രതിഷേധം നിലനിൽക്കുന്നതാണ്​ ബഹിഷ്​കരണ കാരണം.

ഭൂമിയുടെ ആധാരങ്ങൾ അധികവും മുതിർന്ന പൗരന്മാരുടെ പേരിലാണുള്ളത്​. കോവിഡ്​ സമ്പർക്കം പിടിമുറുക്കു​േമ്പാൾ മുതിർന്നപൗരന്മാർ പുറത്തിറങ്ങരുതെന്നാണ്​ സർക്കാർനയം. ഇതിനിടിയിൽ സർക്കാർതന്നെ ഇത്തരം കാര്യങ്ങൾക്കായി ജനത്തെ പുറത്തിറക്കുന്നത്​ രോഗവ്യാപനത്തിന്​ കാരണമാവുമെന്നാണ്​ പാതയോരവാസികളുടെ നിലപാട്​. ആഗസ്​റ്റ്​ 30നകം ഭൂമി ഏറ്റെടുത്ത്​ എൻ.എച്ച്​.എക്ക്​ നൽകണമെന്ന്​ നേരത്തെ സർക്കാർ ആവശ്യപ്പെട്ടിരുന്നു. അത്​ സാധ്യമല്ലെന്ന്​ ഉദ്യോഗസ്​ഥർതന്നെ വ്യക്തമാക്കിയിരുന്നു.