ത​ക​ർ​ത്ത​ത് യു​വ സം​രം​ഭ​ക​രു​ടെ ‘നൂ​റു ഡി​ഗ്രി’ പ്ര​തീ​ക്ഷ

തൃ​ശൂ​ർ: ക​മ്പ്യൂ​ട്ട​ർ സ​യ​ൻ​സ് ബി​രു​ദ​ധാ​രി​യാ​യ ജി​ന്നി തോ​മ​സി​നും സു​ഹൃ​ത്ത് മെ​ക്കാ​നി​ക്ക​ൽ എ​ൻ​ജി​നീ​യ​റി​ങ് ബി​രു​ദ​ധാ​രി​യാ​യ അ​ജി​ത് കെ. ​സി​റി​യ​കി​നും ജീ​വി​ത​ത്തി​ൽ വെ​ല്ലു​വി​ളി​ക​ൾ പു​ത്ത​രി​യ​ല്ല. അ​തു​കൊ​ണ്ടാ​ണ് ഉ​പ​ജീ​വ​ന​മാ​ർ​ഗ​മാ​യി​രു​ന്ന തൃ​ശൂ​ർ വ​ട​ക്കേ സ്റ്റാ​ൻ​ഡ് വ​ട​ക്കേ​ച്ചി​റ​ക്ക​ടു​ത്ത 100 ഡി​ഗ്രി എ​ന്ന് പേ​രു​ള്ള ‘ഫു​ഡ് കാ​ർ​ട്ട്’ സാ​മൂ​ഹി​ക ദ്രോ​ഹി​ക​ൾ ത​ക​ർ​ത്ത​പ്പോ​ൾ ത​ള​രാ​തെ നി​ന്ന് പു​ഞ്ചി​രി​ക്കാ​നാ​കു​ന്ന​ത്.

വി​ദേ​ശ​ങ്ങ​ളി​ൽ കാ​ണു​ന്ന​പോ​ലെ ടി.​വി ഉ​ൾ​പ്പെ​ടെ ഉ​ള്ള ആ​ധു​നി​ക സ​ജ്ജീ​ക​ര​ണ​ങ്ങ​ളോ​ടെ​യു​ള്ള ത​ട്ടു​ക​ട; അ​താ​യി​രു​ന്നു 100 ഡി​ഗ്രി ഫു​ഡ് കാ​ർ​ട്ട്. അ​തി​ൽ കെ​ട്ടി​പ്പ​ടു​ത്ത ര​ണ്ട് യു​വാ​ക്ക​ളു​ടെ പ്ര​തീ​ക്ഷ​ക​ളാ​യി​രു​ന്നു 14ന് ​പു​ല​ർ​ച്ച സാ​മൂ​ഹി​ക ​ദ്രോ​ഹി​ക​ൾ ന​ശി​പ്പി​ച്ച​ത്.

2016ലാ​യി​രു​ന്നു ജി​ന്നി ആ​ലു​വ തി​രു​വാ​ലൂ​രി​ൽ 100 ഇ​വ​ന്റ്സ് ആ​ൻ​ഡ് കാ​റ്റ​റി​ങ് സ്ഥാ​പ​നം തു​ട​ങ്ങി​യ​ത്. സ്ഥാ​പ​നം പ​ച്ച​പി​ടി​ച്ചു​വ​രു​മ്പോ​ൾ 2018ൽ ​വെ​ള്ള​​പ്പൊ​ക്കം വി​ല്ല​നാ​യി. പി​ന്നീ​ട് 100 ബേ​ക്കേ​ഴ്സ് തു​ട​ങ്ങി.

അ​തി​ലും നി​രാ​ശ നേ​രി​ട്ട​പ്പോ​ഴാ​യി​രു​ന്നു അ​ജി​ത് സി​റി​യ​ക് ഗ​ൾ​ഫി​ലെ ഫു​ഡ്കാ​ർ​ട്ട് സം​വി​ധാ​ന​ത്തെ​ക്കു​റി​ച്ച് പ​ങ്കു​വെ​ച്ച​തും ഇ​രു​വ​രും ചേ​ർ​ന്ന് അ​ത് തു​ട​ങ്ങി​യ​തും. പെ​രി​ങ്ങാ​വ് തു​ട​ങ്ങി​യ സ്ഥാ​പ​നം പി​ന്നീ​ട് വ​ട​ക്കേ​ച്ചി​റ​ക്ക​ടു​ത്തേ​ക്ക് പ​റി​ച്ചു​ന​ടു​ക​യാ​യി​രു​ന്നു. ക​ട ത​ക​ർ​ത്ത​ത് സം​ബ​ന്ധി​ച്ച് ജി​ന്നി തോ​മ​സ് ഈ​സ്റ്റ് പൊ​ലീ​സി​ൽ പ​രാ​തി​ന​ൽ​കി.

ര​ണ്ട് കാ​മേ​ഷ്യ​ൽ സ്റ്റൗ, ​ഗ്രി​ഡി​ൽ, ബെ​യ്ൻ മാ​രി, ഡീ​പ് ഫ്ര​യ​ർ, ടെ​ലി​വി​ഷ​ൻ തു​ട​ങ്ങി നി​ര​വ​ധി സാ​ധ​ന​ങ്ങ​ൾ ന​ശി​ച്ചി​ട്ടു​ണ്ട്. നാ​ല് ല​ക്ഷം രൂ​പ​യു​ടെ ന​ഷ്ട​മു​ണ്ടെ​ന്ന് പ​രാ​തി​യി​ൽ പ​റ​യു​ന്നു. അ​ത്യാ​ധു​നി​ക സം​വി​ധാ​ന​ങ്ങ​ളോ​ടെ വ​ൻ ഭാ​ര​മു​ള്ള ഫു​ഡ് കാ​ർ​ട്ട് മ​റി​ച്ചി​ടാ​ൻ ര​ണ്ടോ മൂ​ന്നോ പേ​ർ ഉ​ണ്ടെ​ങ്കി​ലേ സാ​ധി​ക്കൂ​വെ​ന്ന് ഇ​വ​ർ പ​റ​യു​ന്നു. ഫെ​ബ്രു​വ​രി​യി​ൽ വ​ട​ക്കേ​ച്ചി​റ​യി​ൽ ക​ട ഇ​ടു​ന്ന​തു​മാ​യി ബ​ന്ധ​പ്പെ​ട്ട് ചി​ല​രു​മാ​യി ത​ർ​ക്കം നി​ല​നി​ന്നി​രു​ന്നു.