ചേരമാൻ പെരുമാൾ ബോട്ട് അഡ്വ. വി.ആർ. സുനിൽകുമാർ എം.എൽ.എ ഫ്ലാഗ് ഓഫ് ചെയ്യുന്നു
മേത്തല: മുസിരിസിന് പൊൻതൂവലായി 'ചേരമാൻ പെരുമാൾ' നീറ്റിലിറങ്ങി. മുസിരിസ് പൈതൃക പദ്ധതിയുടെ ഭാഗമായി ജലാശയ ടൂറിസം വിപുലീകരിക്കുന്നതിനാണ് പുതിയ ബോട്ട് നീറ്റിലിറക്കിയത്. കേരള ഷിപ്പിങ് ആൻഡ് ഇൻലാൻഡ് നാവിഗേഷൻ കോർപറേഷൻ നിർമിച്ച ബോട്ടാണ് ചേരമാൻ പെരുമാൾ. അത്യാധുനിക സംവിധാനങ്ങളോടുകൂടിയ 24 സീറ്റിന്റെ ബോട്ടാണിത്.
കോട്ടപ്പുറം വാട്ടർഫ്രണ്ടിൽ നടന്ന ചടങ്ങിൽ അഡ്വ. വി.ആർ. സുനിൽകുമാർ എം.എൽ.എ ഫ്ലാഗ് ഓഫ് ചെയ്തു. കൊടുങ്ങല്ലൂർ നഗരസഭ അധ്യക്ഷ എം.യു. ഷിനിജ അധ്യക്ഷത വഹിച്ചു.വൈസ് ചെയർമാൻ കെ.ആർ. ജൈത്രൻ, മുസിരിസ് പൈതൃക പദ്ധതി മാനേജിങ് ഡയറക്ടർ ഡോ. കെ. മനോജ്കുമാർ എന്നിവർ സംസാരിച്ചു.
സ്റ്റാന്ഡിങ് കമ്മിറ്റി അധ്യക്ഷരായ എൽസി പോൾ, കെ.എസ്. കൈസാബ്, ഷീല പണിക്കശേരി, കൗൺസിലർമാരായ ടി.എസ്. സജീവന്, ഫ്രാൻസിസ് ബേക്കൻ, വി.എം. ജോണി, കെ.എസ്. ശിവരാമന്, മാർക്കറ്റിങ് മാനേജർ സെബിൻ, ബോട്ട് മാനേജർ സജന തുടങ്ങിയവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.