ദ​മ്പ​തി​ക​ൾ ആ​ശു​പ​ത്രി​യി​ലാ​യി​രി​ക്കെ വീ​ട് ജ​പ്തി ചെ​യ്തു; പ്ര​തി​ഷേ​ധ​ക്കാ​ർ പൂ​ട്ട് പൊ​ളി​ച്ച് വീ​ട്ടി​ൽ ക​യ​റ്റി

കൊ​ടു​ങ്ങ​ല്ലൂ​ർ: കാ​ൻ​സ​ർ ബാ​ധി​ത​യാ​യ വീട്ടമ്മയും ഭ​ർ​ത്താ​വും ആ​ശു​പ​ത്രി​യി​ലാ​യി​രി​ക്കെ നി​ർ​ധ​ന​രാ​യ പ​ട്ടി​ക​ജാ​തി കു​ടും​ബ​ത്തി​ന്റെ കി​ട​പ്പാ​ടം കേ​ര​ള ബാ​ങ്ക് ജ​പ്തി ചെ​യ്തെ​ന്ന് പ​രാ​തി. കൊ​ടു​ങ്ങ​ല്ലൂ​ർ ന​ഗ​ര​സ​ഭ​യി​ൽ ച​ന്ത​പു​ര വ​ട​ക്ക് കി​ഴ​ക്ക് താ​മ​സി​ക്കു​ന്ന തോ​ട്ടു​പു​റ​ത്ത് വി​ഭു​ലാ​ക്ഷ​ന്റെ​യും ഭാ​ര്യ വി​ജ​യ​കു​മാ​രി​യു​ടെ​യും പേ​രി​ലു​ള്ള ഭ​വ​ന​മാ​ണ് കേ​ര​ള ബാ​ങ്ക് അ​ധി​കൃ​ത​ർ ജ​പ്തി ചെ​യ്ത​ത്.

വി​ജ​യ​കു​മാ​രി​യും ഭ​ർ​ത്താ​വും ചി​കി​ത്സ​ക്കാ​യി തൃ​ശൂ​ർ മെ​ഡി​ക്ക​ൽ കോ​ള​ജി​ലാ​യി​രു​ന്ന ഒക്ടോബർ 29നാ​ണ് ജ​പ്തി ന​ട​ന്ന​ത്. പ​രി​സ​ര​വാ​സി​ക​ൾ കു​ടും​ബ​ത്തി​ന്റെ ദൈ​ന്യ​ത പ​റ​ഞ്ഞെ​ങ്കി​ലും ബാ​ങ്ക് അ​ധി​കൃ​ത​ർ പി​ൻ​മാ​റി​യി​ല്ല. ത​ട്ടി​പ്പി​ൽ കു​ടു​ങ്ങി വ​ലി​യ ക​ട​ക്കാ​രാ​യി മാ​റി​യ ഈ ​കു​ടും​ബ​ത്തോ​ട് ബാ​ങ്ക് ചെ​യ്ത​ത് ച​തി​യാ​ണെ​ന്നും ഇ​തി​നെ​തി​രെ മു​ഴു​വ​ൻ ജ​ന​ങ്ങ​ളും സ​മ​ര​രം​ഗ​ത്തി​റ​ങ്ങ​ണ​മെ​ന്നും ആ​വ​ശ്യ​പ്പെ​ട്ട് സ​ർ​ഫാ​സി വി​രു​ദ്ധ ജ​ന​കീ​യ പ്ര​സ്ഥാ​നം പ്ര​തി​ഷേ​ധ സ​മ​രം ന​ട​ത്തു​ക​യും പൂ​ട്ട് പൊ​ളി​ച്ച് ഇ​രു​വ​രെ​യും വീ​ട്ടി​ൽ ക​യ​റ്റു​ക​യു​മു​ണ്ടാ​യി.

സ​ർ​ഫാ​സി​യെ​ന്ന കൊ​ല​യാ​ളി നി​യ​മം ഉ​പ​യോ​ഗി​ച്ചാ​ണ് വീ​ട് ജ​പ്തി ചെ​യ്ത് കു​ടം​ബ​ത്തെ തെ​രു​വി​ലേ​ക്ക് ത​ള്ളി​വി​ട്ട​തെ​ന്നും പ്ര​തി​ഷേ​ധ​ക്കാ​ർ ചൂ​ണ്ടി​ക്കാ​ട്ടി. പ്ര​തി​ഷേ​ധ യോ​ഗം ജി​ല്ല ചെ​യ​ർ​മാ​ൻ പി.​എ. കു​ട്ട​പ്പ​ൻ ഉ​ദ്ഘാ​ട​നം ചെ​യ്തു. ജോ. ​ക​ൺ​വീ​ന​ർ ശാ​ലു എ​ട​മു​ട്ടം, പ്ര​സാ​ദ്ചേ​ർ​പ്പ്, സ​ന്തോ​ഷ് എ​ന്നി​വ​ർ സം​

സാ​രി​ച്ചു. വീ​ട് പ​ണി​യാ​ൻ കേ​ര​ള ബാ​ങ്കി​ന്റെ കൊ​ടു​ങ്ങ​ല്ലൂ​ർ ബ്രാ​ഞ്ചി​ൽ​നി​ന്ന് വ​ർ​ഷ​ങ്ങ​ൾ​ക്ക് മു​മ്പ് ആ​ധാ​രം പ​ണ​യ​പ്പെ​ടു​ത്തി അ​ഞ്ച് ല​ക്ഷം രൂ​പ​യാ​ണ് ഇ​വ​ർ ലോ​ൺ എ​ടു​ത്ത​ത്. പി​ന്നീ​ട് മു​ൻ മാ​നേ​ജ​ർ ര​ണ്ടു പ്രാ​വ​ശ്യം ലോ​ൺ പു​തു​ക്കു​ക​യാ​യി​രു​ന്നു​വെ​ന്ന് വി​ഭു​ലാ​ക്ഷ​ൻ പ​റ​ഞ്ഞു. ത​ട്ടി​പ്പ് കേ​സി​ൽ പ്രതിയായി ഇയാൾ പിന്നീട് മരിച്ചിരുന്നു. 33 ല​ക്ഷം തി​രി​ച്ച​ട​ക്ക​ണ​മെ​ന്നാ​ണ് ബാ​ങ്ക് അ​ധി​കൃ​ത​ർ ആ​വ​ശ്യ​പ്പെ​ട്ടി​രിക്കു​ന്ന​ത്.