കോവിഡ്​: ലക്ഷണങ്ങളില്ലാത്ത രോഗബാധിതർ കൂടുന്നു

ലക്ഷണങ്ങളില്ലാത്ത രോഗബാധിതർ 51 ശതമാനവും ഉള്ളവർ 49 ശതമാനവുമാണ് തൃശൂർ: ജില്ലയിലെ കോവിഡ്​ രോഗികളിൽ ലക്ഷണങ്ങളില്ലാതെ രോഗം ബാധിക്കുന്നവർ കൂടുന്നു. ഇതുവരെ 213 പേരാണ്​ ലക്ഷണങ്ങളില്ലാതെ രോഗം ബാധിച്ചതായി റിപ്പോർട്ട്​ ചെയ്​തത്​. 203 പേരാണ്​ ലക്ഷണങ്ങളോടെ കോവിഡ് ബാധിതർ. ലക്ഷണങ്ങളില്ലാത്ത രോഗബാധിതർ 51 ശതമാനവും ലക്ഷണങ്ങൾ ഉള്ളവർ 49 ശതമാനവുമാണ്​. രണ്ടു ശതമാനത്തി​ൻെറ കൂടുതലാണുള്ളതെങ്കിലും ഇത്​ സമൂഹ വ്യാപന സാധ്യത ഏറെ കൂട്ടുന്ന ഘടകമാണ്​. ആരോഗ്യമുള്ള ശരീരത്തിൽ കോവിഡ്​ ​ബാധ ഏൽക്കുക കുറവാണ്​. ആരോഗ്യമുള്ള ബാധിതർ അവർക്ക് രോഗം ബാധിച്ചത്​ അറിയാതെയും പോകുന്നുണ്ട്​. ഇങ്ങ​നെയുള്ളവർ ഇറങ്ങി നടക്കുന്നതോടെ അനാരോഗ്യമുള്ളവർക്ക്​ രോഗം ബാധിക്കാനുള്ള സാധ്യത ഏറെയുമാണ്​. അതുകൊണ്ടുതന്നെ പരിശോധന കൂട്ടിയാലല്ലാതെ ഇത്തരക്കാ​െര കണ്ടെത്താനാവാത്ത സാഹചര്യമാണ്​ നിലവിലുള്ളത്​. രോഗലക്ഷണമുള്ളവരുടെ പരിശോധനക്ക്​ അപ്പുറം വിവിധ മേഖലകളിലുള്ളവരെ പരിശോധിക്കുന്ന പൂൾ ടെസ്​റ്റും ആൻറി ബോഡി പരി​ശോധനയും കൂടുതലായി നടക്കേണ്ടതുണ്ട്​. ജനുവരി 30 മുതൽ ജൂലൈ ആറുവരെ ജില്ലയിൽ റിപ്പോർട്ട്​ ചെയ്​ത കേസുകളിൽ വിദേശരാജ്യങ്ങളിൽനിന്നുള്ള 214 പേരും അന്തർ സംസ്ഥാനങ്ങളിൽനിന്നുള്ള 140 പേരുമാണിത്​. മൊത്തം രോഗികളുടെ 84 ശതമാനം യാത്രക്കാരാണ്​. ഈ കാലയളവിൽ അന്തർ സംസ്ഥാനങ്ങളിൽനിന്ന്​ 63,000 പേർ എത്തുമെന്നാണ്​ ആരോഗ്യ വകുപ്പ്​ പ്രതീക്ഷിച്ചത്​. എന്നാൽ, ഇതിൽ 43 ശതമാനം അതായത്​ 26,997 പേരാണ്​ ജില്ലയിൽ എത്തിയത്​. ​ഇതിൽ 0.52 ശതമാനം (140 പേർ) മാത്രമാണ്​ രോഗബാധിതർ. വിദേശരാജ്യങ്ങളിൽനിന്ന്​ പ്രതിക്ഷിച്ച 47,000 പേരിൽ 15,099 പേർ (32 ശതമാനം) ആണ്​ എത്തിയത്​. യാത്രക്കാർ എത്തിത്തുടങ്ങിയ ​േമയ്​ ഏഴ്​ മുതൽ ആദ്യ നാല്​ ആഴ്​ചയിൽ 1000ത്തിൽ 2.59 പേർക്കാണ്​ രോഗം ബാധിച്ചത്​. അഞ്ചാം ആഴ്​ചയിലിത്​ 17 ശതമാനം ആയിരുന്നു. ആറാം ആഴ്​ചയിൽ 10.5ഉം ഏഴാം ആഴ്​ചയിൽ 8.8ഉം എട്ടിൽ 12.5 ശതമാനവുമായിരുന്നു. ബാക്കി 69 പേർക്ക്​ സമ്പർക്കത്തിലൂ​ടെ രോഗം ബാധിച്ചവരാണ്​. ഇത്​ 16 ശതമാനവും വരും. ആദ്യഘട്ടത്തിൽ ആശുപത്രികളിലെ 533 ബെഡുകളിൽ 148 രോഗികളാണുള്ളത്​. സ്രവ പരിശോധന നടത്തിയ 5809 പേരിൽ 354 പേർക്കാണ്​ രോഗം സ്ഥിരീകരിച്ചത്​. ഇത്​ മൊത്തം രോഗബാധയുടെ 6.1 ശതമാനമാണ്​. പൂൾ ടെസ്​റ്റ്​ നടത്തിയ 3508ൽ 46 പേർക്കാണ്​ രോഗം സ്ഥിരീകരിച്ചത്​. ഇത്​ ജില്ലയിലെ ആകെ രോഗികളുടെ 1.3 ശതമാനമാണ്​.