വടശേരിക്കര: അത്ലറ്റിക്സിൽ പെരുനാടിന് അഭിമാനമായി ശ്രീലക്ഷ്മി. 14ാം വാർഡ് കക്കാട് കോട്ടുപാറതടത്തിൽ വീട്ടിൽ കെ.വി. റെജിയുടെ മകൾ ശ്രീലക്ഷ്മി കഴിഞ്ഞ ദിവസം ഗോവയിൽ നടന്ന നാലാമത് നാഷനൽ യൂത്ത് ഗെയിംസ് ചാമ്പ്യൻഷിപ്പിൽ 200 മീ. ഓട്ടത്തിൽ രണ്ടാം സ്ഥാനം നേടി.
മാടമൺ എൽ.പി സ്കൂളിൽ അഞ്ചാം ക്ലാസിൽ പഠിക്കുമ്പോഴാണ് ആദ്യമായി സംസ്ഥാനതല മീറ്റിൽ പങ്കെടുക്കുന്നത്.
തുടർന്ന് എട്ടുമുതൽ പത്തുവരെ ഇടക്കുളം ഗുരുകുലം എച്ച്.എസിൽ പഠിപ്പിച്ചിരുന്ന സമയത്ത് സംസ്ഥാന തലത്തിലും അമച്വർ മീറ്റിൽ ദേശീയതലത്തിലും പങ്കെടുത്തിരുന്നു. ഒമ്പതാംക്ലാസിൽ ജില്ലയിൽ വേഗമേറിയ താരമായി. എം.എസ്.എച്ച്.എസ് റാന്നിയിൽ പ്ലസ് വണ്ണിന് പഠിച്ചിരുന്ന സമയത്ത് നിരവധി മീറ്റുകളിൽ പങ്കെടുത്തിരുന്നു.
പ്ലസ് ടുവിനുശേഷം തൃശൂർ കൊടകര സഹൃദയ കോളജ് ഏറ്റെടുത്ത് പഠിപ്പിച്ചുവരുകയാണ്. അവിടെവെച്ച് സംസ്ഥാന, ദേശീയതല മത്സരങ്ങളിൽ പങ്കെടുത്തു.
ഇപ്പോൾ സഹൃദയ കോളജിൽ അവസാന വർഷ ബി.എസ്സി കെമിസ്ട്രി വിദ്യാർഥിയാണ്. മാതാവ് ശോഭിത, സഹോദരി പാർവതി എന്നിവരുമടങ്ങുന്നതാണ് കുടുംബം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.