തെരുവുകൾ കയ്യടക്കി നായ്ക്കൾ; വഴിയിലിറങ്ങാൻ പേടിക്കണം

പ​ന്ത​ളം: വീ​ണ്ടും ഭീ​തി​യി​ലാ​ഴ്ത്തി തെ​രു​വു​നാ​യ്ക്ക​ൾ തെ​രു​വു​ക​ളി​ൽ വി​ഹ​രി​ക്കു​ന്നു. കു​ര​മ്പാ​ല, ചു​ഴി​ക്കാ​ട്, ക​ട​യ്ക്കാ​ട് എ​ന്നി​വി​ട​ങ്ങ​ളി​ൽ തെ​രു​വു​നാ​ക്ക​ളു​ടെ വി​ള​യാ​ട്ടം രൂ​ക്ഷ​മാ​ണ്. പി​ന്നാ​ലെ പാ​യു​ന്ന നാ​യു​ടെ അ​ക്ര​മ​ത്തി​ൽ നി​ന്നും ര​ക്ഷ​നേ​ടാ​ൻ വെ​ട്ടി​ക്കു​ന്ന​തി​നി​ടെ പ​ല​പ്പോ​ഴും ബൈ​ക്ക്​ യാ​ത്രി​ക​ർ അ​പ​ക​ട​ത്തി​ൽ​പ്പെ​ടു​ന്ന​ത്​ പ​തി​വാ​യി.

പ​ന്ത​ളം ജം​ഗ്ഷ​ൻ, കെ.​എ​സ്.​ആ​ർ.​ടി.​സി ബ​സ്​ സ്റ്റാ​ൻ​ഡ് എ​ന്നി​വി​ട​ങ്ങ​ളി​ലും ശ​ല്യം രൂ​ക്ഷ​മാ​ണ്. തെ​രു​വു​നാ​യ്ക്ക​ളെ നി​യ​ന്ത്രി​ക്കാ​ൻ സ​ജ്ജ​മാ​ക്കി​യ എ.​ബി.​സി പ​ദ്ധ​തി (അ​നി​മ​ൽ ബ​ർ​ത്ത് ക​ൺ​ട്രോ​ൾ) ഇ​തു​വ​രെ കാ​ര്യ​ക്ഷ​മാ​യി​ട്ടി​ല്ല. പ​ദ്ധ​തി ജി​ല്ല​യി​ൽ നി​ല​ച്ചി​ട്ട് മാ​സ​ങ്ങ​ൾ പി​ന്നി​ട്ടു. മൃ​ഗ​സം​ര​ക്ഷ​ണ വ​കു​പ്പി​ന്‍റെ ക​ണ​ക്ക്പ്ര​കാ​രം കേ​ര​ള​ത്തി​ൽ ഏ​റ്റ​വും തെ​രു​വു​നാ​യ്ക്ക​ളു​ള്ള ജി​ല്ല​ക​ളി​ലൊ​ന്നാ​ണ് പ​ത്ത​നം​തി​ട്ട.

ഒ​രു സ്ഥ​ല​ത്ത് ഓ​രോ​ന്ന്​ വീ​തം ആ​ൺ നാ​യും പെ​ൺ നാ​യും ഉ​ണ്ടെ​ങ്കി​ൽ ആ​റ്​ വ​ർ​ഷം കൊ​ണ്ട്​ ആ ​പ്ര​ദേ​ശ​ത്തെ നാ​യ്ക്ക​ളു​ടെ എ​ണ്ണം 33,000 വ​രെ ഉ​യ​രാ​ൻ സാ​ധ്യ​ത​യു​​ണ്ടെ​ന്നാ​ണ്​ കേ​ന്ദ്ര മൃ​ഗ​സം​ര​ക്ഷ​ണ ബോ​ർ​ഡി​ന്‍റെ ക​ണ​ക്ക്. ചി​ല ത​ദ്ദേ​ശ സ്ഥാ​പ​ന​ങ്ങ​ളി​ൽ എ​ബി​സി സെ​ന്‍റ​ർ ഒ​രു​ക്കി​യി​രു​ന്നെ​ങ്കി​ലും കേ​ന്ദ്ര മാ​ന​ദ​ണ്ഡ​ങ്ങ​ൾ പാ​ലി​ക്കാ​ൻ ക​ഴി​യാ​ത്ത​തി​നാ​ൽ പ്ര​വ​ർ​ത്ത​നം നി​ല​ച്ചു. 

കടപ്ര പുളിക്കീഴിൽ എ.ബി.സി കേന്ദ്രം നിർമാണം ആരംഭിക്കുന്നു; കെ​ട്ടി​ട നി​ർ​മാ​ണ ഉ​ദ്ഘാ​ട​നം 23ന്​ ​പു​ളി​ക്കീ​ഴ് മൃ​ഗാ​ശു​പ​ത്രി​ക്ക് സ​മീ​പം മ​ന്ത്രി ചി​ഞ്ചു​റാ​ണി നി​ർ​വ​ഹി​ക്കും

പ​ത്ത​നം​തി​ട്ട: ജി​ല്ല പ​ഞ്ചാ​യ​ത്തി​ന്‍റെ​യും മൃ​ഗ​സം​ര​ക്ഷ​ണ വ​കു​പ്പി​നെ​റ​യും നേ​തൃ​ത്വ​ത്തി​ൽ ജി​ല്ല​യി​ൽ സ്ഥാ​പി​ക്കു​ന്ന എ.​ബി.​സി കേ​ന്ദ്രം ക​ട​പ്ര പു​ളി​ക്കീ​ഴി​ൽ നി​ർ​മാ​ണം ആ​രം​ഭി​ക്കു​ന്നു. ജി​ല്ല പ​ഞ്ചാ​യ​ത്ത്​ വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി ഒ​രു​കോ​ടി രൂ​പ ചെ​ല​വ​ഴി​ച്ചാ​ണ് കെ​ട്ടി​ടം നി​ർ​മി​ക്കു​ന്ന​തെ​ന്ന്​ ജി​ല്ല പ​ഞ്ചാ​യ​ത്ത്​ പ്ര​സി​ഡ​ന്‍റ്​ ഓ​മ​ല്ലൂ​ർ ശ​ങ്ക​ര​ൻ വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു.

തെ​രു​വു​നാ​യ്ക്ക​ളെ വ​ന്ധി​ക​രി​ക്കാ​നും മൃ​ഗ​ങ്ങ​ൾ​ക്ക് സ​ർ​ജ​റി ന​ട​ത്താ​നും ക​ഴി​യു​ന്ന ഓ​പ്പ​റേ​ഷ​ൻ തി​യേ​റ്റ​ർ ഉ​ൾ​പ്പെ​ടെ ആ​ധു​നി​ക സം​വി​ധാ​ന​ങ്ങ​ൾ ഉ​ണ്ടാ​കും. പു​ളി​ക്കീ​ഴ് മൃ​ഗാ​ശു​പ​ത്രി​ക്ക് സ​മീ​പം ജി​ല്ല പ​ഞ്ചാ​യ​ത്തി​ന് സ​ർ​ക്കാ​ർ അ​നു​വ​ദി​ച്ച 40 സെൻറ് സ്ഥ​ല​ത്താ​ണ് കെ​ട്ടി​ടം നി​ർ​മി​ക്കു​ന്ന​ത്.

നാ​യ്ക്ക​ളെ പി​ടി​കൂ​ടാ​ൻ 18 ഡോ​ഗ്​ ക്യാ​ച്ച​ർ​മാ​രെ ജി​ല്ല പ​ഞ്ചാ​യ​ത്ത്​ നേ​തൃ​ത്വ​ത്തി​ൽ പ​രി​ശീ​ലി​പ്പി​ച്ചി​ട്ടു​ണ്ട്. വീ​ണ്ടും 50 പേ​ർ​ക്ക്​ കൂ​ടി പ​രി​ശീ​ല​നം ന​ൽ​കും. അ​വ​ർ​ക്ക് ആ​വ​ശ്യ​മാ​യ ഉ​പ​ക​ര​ണ​ങ്ങ​ളും യൂ​ണി​ഫോ​മും ന​ൽ​കും. 23ന്​ ​വൈ​കി​ട്ട് മൂ​ന്നി​ന് പു​ളി​ക്കീ​ഴ് മൃ​ഗാ​ശു​പ​ത്രി​ക്ക് സ​മീ​പം കെ​ട്ടി​ട നി​ർ​മാ​ണ ഉ​ദ്ഘാ​ട​നം മ​ന്ത്രി ചി​ഞ്ചു​റാ​ണി നി​ർ​വ​ഹി​ക്കും. മാ​ത്യു ടി. ​തോ​മ​സ് എം.​എ​ൽ.​എ, ആ​ന്‍റോ ആ​ന്‍റ​ണി എം.​പി, ക​ല​ക്ട​ർ എ. ​ഷി​ബു തു​ട​ങ്ങി​യ​വ​ർ പ​ങ്കെ​ടു​ക്കും.

വാ​ർ​ത്താ സ​മ്മേ​ള​ന​ത്തി​ൽ ജി​ല്ല പ​ഞ്ചാ​യ​ത്ത്​ വൈ​സ് പ്ര​സി​ഡ​ന്‍റ്​ മാ​യ അ​നി​ൽ​കു​മാ​ർ, ജി​ല്ല പ​ഞ്ചാ​യ​ത്ത് അം​ഗ​ങ്ങ​ളാ​യ രാ​ജി പി. ​രാ​ജ​പ്പ​ൻ, ജോ​ർ​ജ്ജ് എ​ബ്ര​ഹാം, ജി​ല്ല മൃ​ഗ​സം​ര​ക്ഷ​ണ ഓ​ഫീ​സ​ർ ഡോ. ​അ​ന​ന്ത​കൃ​ഷ്ണ​ൻ, ജി​ല്ല പ​ഞ്ചാ​യ​ത്ത് സെ​ക്ര​ട്ട​റി എ.​എ​സ്. നൈ​സാം എ​ന്നി​വ​രും പ​ങ്കെ​ടു​ത്തു.