സാമൂഹികപ്രവർത്തക ഡോ. എം.എസ്. സുനിൽ നിരാലംബരായ ഭവനരഹിതർക്ക്
പണിതുനൽകുന്ന 220ാമത് സ്നേഹ ഭവനത്തിെൻറ താക്കോൽദാന ചടങ്ങ് പി.ജെ. ജോർജ്കുട്ടിയും ഭാര്യ സാലി ജോർജും ചേർന്ന് ഉദ്ഘാടനം ചെയ്യുന്നു
പത്തനംതിട്ട: സാമൂഹിക പ്രവർത്തക എം.എസ്. സുനിൽ നിരാലംബരായ ഭവനരഹിതർക്ക് പണിതുനൽകുന്ന 220ാമത് സ്നേഹഭവനം തട്ടാശേരി കരുനാട് വീട്ടിൽ ആനിയമ്മക്കും കുടുംബത്തിനും. മാവേലിക്കര സ്വദേശിയായ പി.ജെ. ജോർജ്കുട്ടിയുടെ 70ാം ജന്മദിന സമ്മാനമായാണ് വീട് നൽകിയത്.
വീടിെൻറ താക്കോൽദാനവും ഉദ്ഘാടനവും പി.ജെ. ജോർജ്കുട്ടിയും ഭാര്യ സാലി ജോർജും ചേർന്ന് നിർവഹിച്ചു. വർഷങ്ങളായി തകർന്നുവീഴാറായ വീട്ടിലായിരുന്നു ആനിയമ്മയുടെയും കുടുംബത്തിെൻറയും താമസം. കഴിഞ്ഞ പ്രളയത്തിൽ താമസിച്ചിരുന്ന വീട് തകർന്നു. അർബുദ രോഗിയായ അമ്മയും ഒരുവശം തളർന്ന ഭർത്താവ് തോമസും കാലിന് സ്വാധീനമില്ലാത്ത മകൾ ഷൈമോളും അടങ്ങിയ ആറംഗ കുടുംബവുമായി ദുരിതജീവിതം നയിക്കുകയായിരുന്നു ആനിയമ്മ. പി.ജെ. ജോർജ്കുട്ടിയുടെ മക്കൾ നൽകിയ നാലു ലക്ഷം രൂപ ഉപയോഗിച്ച് രണ്ട് മുറികളും ഹാളും അടുക്കളയും ശൗച്യാലയവും സിറ്റൗട്ടും അടങ്ങിയ വീടാണ് നിർമിച്ചുനൽകിയത്.
റവ. ചാക്കോ തോമസ്, ബ്ലോക്ക് പഞ്ചായത്ത് മെംബർ സന്ധ്യ സുരേഷ്, വാർഡ് മെംബർ ശ്യാംകുമാർ, കെ.പി. ജയലാൽ, സണ്ണി ജോർജ്, ലില്ലിക്കുട്ടി സണ്ണി, സുജ ചാക്കോ, തോമാച്ചൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.