ചോർന്നൊലിച്ച്​ കോന്നി മെഡിക്കൽ കോളജ് ഒ.പി കെട്ടിടം

കോ​ന്നി: കോ​ന്നി മെ​ഡി​ക്ക​ൽ കോ​ള​ജി​ലെ ഒ.​പി പ്ര​വ​ർ​ത്തി​ക്കു​ന്ന പ്ര​ധാ​ന കെ​ട്ടി​ട​ത്തി​ലെ ചോ​ർ​ച്ച രോ​ഗി​ക​ളെ വ​ല​ക്കു​ന്നു. മ​ഴ​ക്കാ​ല​മാ​യ​തോ​ടെ കെ​ട്ടി​ട​ത്തി​ന്‍റെ മേ​ൽ​ക്കൂ​ര​യി​ൽ നി​ന്ന് വീ​ഴു​ന്ന മ​ഴ വെ​ള്ളം കെ​ട്ടി​ട​ത്തി​നു​ള്ളി​ലാ​ണ് വീ​ഴു​ന്ന​ത്. ത​റ​യി​ൽ വെ​ള്ളം വീ​ഴു​ന്ന​ത് പ​തി​വാ​യ​തോ​ടെ ഇ​വി​ടെ കാ​ർ​ഡ്​​ബോ​ർ​ഡ് പേ​പ്പ​റു​ക​ൾ നി​ര​ത്തി​യി​രി​ക്കു​ക​യാ​ണ് ജീ​വ​ന​ക്കാ​ർ.

കെ​ട്ടി​ട​ത്തി​ലെ ജ​ന​ലു​ക​ൾ വ​ഴി​യും മ​ഴ​വെ​ള്ളം ഉ​ള്ളി​ലേ​ക്ക് ഇ​റ​ങ്ങു​ന്നു​ണ്ട്. ഏ​റ്റ​വും താ​ഴ​ത്തെ നി​ല​യി​ൽ ന​ടു​ത്ത​ള​ത്ത​ള​ത്തി​ലേ​ക്കും വെ​ള്ളം ഒ​ഴു​കി ഇ​റ​ങ്ങു​ന്നു​ണ്ട്. ടൈ​ലി​ൽ വെ​ള്ളം കെ​ട്ടി​ക്കി​ട​ന്നാ​ൽ ഇ​ത് ശ്ര​ദ്ധി​ക്കാ​തെ ആ​ളു​ക​ൾ തെ​ന്നി വീ​ഴു​ന്ന​തി​നും സാ​ധ്യ​ത ഏ​റെ​യാ​ണ്. 2020 സെ​പ്റ്റം​ബ​ർ 14ന് ​മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഓ​ൺ​ലൈ​നാ​യാ​ണ് മെ​ഡി​ക്ക​ല്‍ കോ​ള​ജ് ഒ.​പി വി​ഭാ​ഗം ഉ​ദ്ഘാ​ട​നം ചെ​യ്ത് പ്ര​വ​ർ​ത്ത​ന​ത്തി​ന് തു​ട​ക്കം കു​റി​ച്ച​ത്.

32,900 സ്ക്വ​യ​ര്‍ മീ​റ്റ​ര്‍ വി​സ്തീ​ര്‍ണ​മു​ള​ള ആ​ശു​പ​ത്രി കെ​ട്ടി​ട​മാ​ണ് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​ക്കു​ള്ള​ത്. നി​ല​വി​ൽ ഒ.​പി, സ്കാ​നി​ങ്, എ​ക്സ് റേ ​വി​ഭാ​ഗ​ങ്ങ​ൾ പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ലാ​ണ് ചോ​ർ​ച്ച അ​നു​ഭ​വ​പ്പെ​ടു​ന്ന​ത്. കി​ഫ്‌​ബി ഫ​ണ്ടി​ൽ നി​ന്ന് അ​ട​ക്കം കോ​ടി​ക്ക​ണ​ക്കി​ന് രൂ​പ ചെ​ല​വ​ഴി​ച്ച്​ നി​ർ​മി​ച്ച കെ​ട്ടി​ട​മാ​ണ് ചോ​രു​ന്ന​ത്. നാ​ഗാ​ർ​ജു​ന ക​ൺ​സ്ട്ര​ക്ഷ​ൻ ക​മ്പ​നി​ക്കാ​യി​രു​ന്നു നി​ർ​മാ​ണ ചു​മ​ത​ല. നി​ല​വി​ലെ സാ​ഹ​ച​ര്യ​ത്തി​ൽ കെ​ട്ടി​ട​ത്തി​ന് കേ​ടു​പാ​ടു​ക​ൾ സം​ഭ​വി​ക്കാ​ൻ സാ​ധ്യ​ത​യേ​റെ​യാ​ണ്.