നിര്‍മല രാജേന്ദ്രൻ
കോട്ടയം: പാമ്പാടിയിൽ വയോധികയുടെ സ്വർണം തട്ടിയെടുത്ത കേസിൽ ഹോം നഴ്സിനെ അറസ്റ്റ് ചെയ്തു. പത്തനംതിട്ട ഇലന്തൂർ സ്വദേശി നിര്‍മല രാജേന്ദ്രനെയാണ് (48) പാമ്പാടി പൊലീസ് അറസ്റ്റ് ചെയ്തത്.
ഇവർ ഹോം നഴ്സായി ജോലി ചെയ്തിരുന്ന മീനടം ഭാഗത്തെ വീട്ടിലെ പ്രായമായ സ്ത്രീയുടെ കൈയിൽ കിടന്ന ഒരുപവന്‍റെ രണ്ട് വളകൾ തട്ടിയെടുക്കുകയായിരുന്നു. കഴുകി വൃത്തിയാക്കി തരാമെന്ന വ്യാജേനെ ഊരിവാങ്ങുകയും തുടർന്ന് അതേ തൂക്കത്തിലുള്ള വ്യാജ സ്വർണവളകൾ നൽകുകയും ചെയ്തു. ഇവർ വീട്ടിൽനിന്ന് നാട്ടിലേക്ക് അവധിക്ക് പോകുകയും ചെയ്തു.
തിരികെ വരാഞ്ഞതിനെ തുടർന്ന് സംശയം തോന്നിയ വീട്ടുകാർ വളകൾ പരിശോധിച്ചപ്പോഴാണ് മുക്കുപണ്ടമാണെന്ന് മനസ്സിലാക്കുന്നത്.
എസ്.എച്ച്.ഒ ഡി. സുവർണകുമാർ, എസ്.ഐ ലെബിമോൻ കെ.എസ്. ശ്രീരംഗൻ, സി.പി.ഒമാരായ മഹേഷ്, സിന്ധുമോൾ വി.പി. രമ എന്നിവർ ചേർന്നാണ് ഇവരെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.