ബിനിയ ബാബു
തിരുവനന്തപുരം: പ്രമുഖ മാധ്യമപ്രവർത്തകൻ ബി.ആർ.പി ഭാസ്കറിന്റെ സ്മരണക്കായി ഏർപ്പെടുത്തിയ രണ്ടാമത് ബോധിഗ്രാം-ബി.ആർ.പി മാധ്യമപുരസ്കാരം കേരളകൗമുദി പത്തനംതിട്ട ലേഖികയും പ്രസ് ക്ലബ് ജോ. സെക്രട്ടറിയുമായ ബിനിയ ബാബുവിന്. മാധ്യമപ്രവർത്തകരായ കെ.എ. ഷാജി ചെയർപേഴ്സനും ജെ.എസ്. ഇന്ദുകുമാർ, പ്രിയ രവീന്ദ്രൻ എന്നിവർ അംഗങ്ങളുമായ ജ്യൂറിയാണ് അവാർഡ് നിർണയിച്ചത്. 25,000 രൂപയും പ്രശസ്തിപത്രവും ഷണ്മുഖൻ തൃപ്പൂണിത്തുറ രൂപകൽപ്പന ചെയ്ത മെമന്റോയുമാണ് പുരസ്കാരം. ബി.ആർ.പിയുടെ രണ്ടാം ചരമവാർഷിക ദിനമായ ജൂൺ നാലിന് തിരുവനന്തപുരത്ത് സംഘടിപ്പിക്കുന്ന ബി.ആർ.പി അനുസ്മരണത്തിൽ പുരസ്കാരം നൽകുമെന്ന് സമിതി ചെയർപേഴ്സൻ ജെ.എസ്. അടൂരും സെക്രട്ടറി അനിൽകുമാർ പി.വൈയും അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.