പത്തനംതിട്ട: യേശുക്രിസ്തു അന്ത്യ അത്താഴ വേളയിൽ തന്റെ ശിഷ്യന്മാരുടെ കാലുകള് കഴുകി ചുംബിച്ചതിന്റ ഓർമ പുതുക്കി മാക്കാംകുന്ന് സെന്റ് സ്റ്റീഫൻസ് ഓർത്തഡോക്സ് കത്തീഡ്രലിൽ പെസഹ വ്യാഴാഴ്ച ഉച്ചക്ക് 2.30ന് നടക്കും. തുമ്പമൺ ഭദ്രാസനാധിപൻ കുറിയാക്കോസ് മാർ ക്ലീമിസ് മെത്രാപ്പോലീത്ത മുഖ്യ കാർമികത്വം വഹിക്കും. ഫാ. ലൈജു മാത്യു വചന ശുശ്രൂഷ നടത്തും. മാക്കാംകുന്ന് കത്തീഡ്രലിൽ 1977ലാണ് അവസാനം നടന്നത്. പുതിയ ദേവാലയ നിർമാണത്തിനുശേഷം ആദ്യമായാണ് നടക്കുന്നതെന്ന് ഭാരാവാഹികൾ വാർത്ത സമ്മേളനത്തിൽ പറഞ്ഞു. ദേവാലയത്തിനുള്ളിൽ മദ്ബഹായോട് ചേർന്ന് പ്രത്യേകം തയാറാക്കിയ വേദിയിലാണ് ശുശ്രൂഷ നടക്കുന്നത്. ഫാ. ഗബ്രിയേൽ ജോസഫ്, ഫാ. കോശി വി.വർഗീസ് എന്നിവർ സഹ കാർമികത്വം വഹിക്കും. വാർത്തസമ്മേളനത്തിൽ ട്രസ്റ്റി ഡോ. തോമസ് ജോൺ മാമ്പ്ര, സെക്രട്ടറി ഷിജു തോമസ്, കൺവീനർ ഏബൽ മാത്യു, ഗീവർഗീസ് ബിജു എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.