പത്തനംതിട്ട: ജില്ലയിലെ വൊക്കേഷനൽ ഹയർ സെക്കൻഡറി പാസായ ഉദ്യോഗാർഥികൾക്കുവേണ്ടി പൊതുവിദ്യാഭ്യാസ വകുപ്പ് വി.എച്ച്.എസ്.ഇ വിഭാഗം കരിയർ ഗൈഡൻസ് സെല്ലിന്റെയും ജില്ല എംപ്ലോയ്മെന്റ് എക്സ്ചേഞ്ചിന്റെയും നേതൃത്വത്തിൽ തൊഴിൽ മേള സംഘടിപ്പിക്കും. കുമ്പഴ എം.പി.വി.എച്ച്.എസ്.എസിൽ ശനിയാഴ്ച രാവിലെ 10 മുതലാണ് മേള. മിൽമ, കേരള അഗ്രോ ഇൻഡസ്ട്രീസ് കോർപറേഷൻ, വി-ഗാർഡ്, എൽ.ഐ.സി, ആരോഗ്യം, എൻജിനീയറിങ്, ട്രാവൽ ആൻഡ് ടൂറിസം, ഓട്ടോമൊബൈൽ, കോമേഴ്സ് തുടങ്ങിയ മേഖലയിലെ 40ൽപരം കമ്പനികൾ തൊഴിൽമേളയിൽ പങ്കെടുക്കും. രാവിലെ 10ന് ആന്റോ ആന്റണി എം.പി ഉദ്ഘാടനം ചെയ്യും. നഗരസഭാധ്യക്ഷൻ ടി. സക്കീർ ഹുസൈൻ അധ്യക്ഷത വഹിക്കും. ഇതോടൊപ്പം രാവിലെ 11ന് ഈ വർഷം 10ാം ക്ലാസിൽ പഠിക്കുന്ന വിദ്യാർഥികൾക്ക് കേന്ദ്രസർക്കാർ ആവിഷ്കരിച്ച പാഠ്യപദ്ധതിയായ എൻ.എസ്.ക്യു. എഫിനെ സംബന്ധിച്ചും തുടർ പഠനസാധ്യതകളെ സംബന്ധിച്ചും കരിയർ സെമിനാറും നടത്തും. കരിയർ വിദഗ്ധൻ രതീഷ് കുമാർ ക്ലാസ് നയിക്കും. വാർത്ത സമ്മേളനത്തിൽ കുമ്പഴ എം.പി.വി.എച്ച്.എസ് പ്രിൻസിപ്പൽ ദീപു ഉമ്മൻ, ജില്ല എംപ്ലോയ്മെന്റ് ഓഫിസർ ഉണ്ണികൃഷ്ണൻ, എ.കെ. സജീവ്, സ്നേഹരാജ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.