തദ്ദേശ നേട്ടം.......പാക്കേജ്​

പുരസ്കാരപ്പകിട്ടിൽ പത്തനംതിട്ട ജില്ലയിലെ അഞ്ച്​ ഗ്രാമപഞ്ചായത്തുകൾക്കാണ്​ സംസ്ഥാനതലത്തിൽ മഹാത്മ പുരസ്‌കാരം ലഭിച്ചത്​. 2020-21 വർഷം മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതി നടപ്പാക്കിയതുമായി ബന്ധപ്പെട്ട മികവാണ്​ ഏഴംകുളം, കടമ്പനാട്, മൈലപ്ര, നെടുമ്പുറം, റാന്നി അങ്ങാടി പഞ്ചായത്തുകളെ പുരസ്കാരത്തിന്​ അർഹമാക്കിയത്​. ഒരേസമയം അഞ്ച്​ പഞ്ചായത്തുകൾക്കുള്ള അംഗീകാരം ജില്ലക്ക് അഭിമാന നേട്ടമായി. കൂടുതൽ തൊഴിലവസരങ്ങൾ സൃഷ്ടിച്ചും കൂടുതൽ കുടുംബങ്ങൾക്ക്​ തൊഴിൽ അവസരം ലഭ്യമാക്കിയും പഞ്ചായത്ത്​ ഭരണസമിതികൾ നടത്തിയ ആത്മാർഥ പ്രവർത്തനം എന്തുകൊണ്ടും അഭിനന്ദനാർഹമാണ്​. തദ്ദേശസ്വയംഭരണ വകുപ്പിന്‍റെ സ്വരാജ്​ ട്രോഫി നേടി ജില്ലയിൽ തുമ്പമണ്‍ ഗ്രാമപഞ്ചായത്തും ഒന്നാമതെത്തി​. ഇരവിപേരൂർ ആണ്​ രണ്ടാം സ്ഥാനത്ത്​. ജില്ലകളിൽ സ്വരാജ് ട്രോഫി നേടുന്നവർക്ക് ഒന്നാം സ്ഥാനത്തിന് 10 ലക്ഷം രൂപയും രണ്ടാം സ്ഥാനത്തിന് അഞ്ചുലക്ഷം രൂപയുമാണ്​ സമ്മാനം. നേട്ടം എത്തിപ്പിടിക്കാൻ തദ്ദേശസ്ഥാപനങ്ങൾ കാഴ്ചവെച്ച മികവുറ്റ പ്രവർത്തനങ്ങളെക്കുറിച്ച്​ ഒരു പരിശോധന...