പൊതുവഴിയിൽ മാലിന്യം തള്ളുന്നു

വടശ്ശേരിക്കര: പൊതുവഴിയിൽ അറവുമാലിന്യം തള്ളിയതായി പരാതി. നാറാണംമൂഴി അടിച്ചിപ്പുഴ റോഡിൽ പാലത്തിന്​ സമീപത്തായി റോഡിൽ കവറിലാക്കിയ നിലയിലാണ് അറവുമാലിന്യം തള്ളിയത്. ദുർഗന്ധം വമിച്ചിട്ട്​ റോഡിൽക്കൂടി നടന്നുപോകാൻ പറ്റാത്ത സ്ഥിതിയാണ്. വിദ്യാർഥികൾ അടക്കം നിരവധി പേരാണ് ഇതുവഴിപോകുന്നത്. തൊട്ടടുത്തായി രണ്ടു സ്കൂളുകളും പ്രവർത്തിക്കുന്നുണ്ട്. പ്രദേശത്ത്​ ഇത്തരത്തിൽ വീടുകളിൽനിന്നുള്ള ആഹാര അവശിഷ്​ടങ്ങൾ ഉൾ​െപ്പടെ തള്ളുന്നത് പതിവാണെന്ന് നാട്ടുകാർ ആരോപിച്ചു. സാമൂഹിക വിരുദ്ധർ രാത്രിയുടെ മറവിലാണ് റോഡുകളിലും മറ്റും മാലിന്യം ഇത്തരത്തിൽ തള്ളുന്നത്. പന്നി ഉൾപ്പടെയുള്ള മൃഗങ്ങൾക്ക് ആഹാരമായി അറവുമാലിന്യം ഉപയോഗിക്കുന്നവരുമുണ്ട്. എന്നാൽ, ഇത്തരത്തിൽ കടകളിൽനിന്ന്​ മറ്റും ശേഖരിച്ചു കൊണ്ടുപോകുന്നവ അലക്ഷ്യമായി തുറന്ന വാഹനത്തിൽ കൊണ്ടുപോകുന്നത് പലപ്പോഴും ആളുകൾക്ക് ബുദ്ധിമുട്ടുണ്ടാക്കുന്നുണ്ട്.