ഗതാഗതക്കുരുക്കിൽ പന്തളം ടൗൺ

പന്തളം: സ്കൂളുകൾ തുറന്നതോടെ ഗതാഗതക്കുരുക്കിലമർന്ന് പന്തളം ടൗൺ. കടകമ്പോളങ്ങൾക്കു മുന്നിലെ അനധികൃത വാഹന പാർക്കിങ്മൂലം എം.സി റോഡി​ൻെറ ഇരുവശവും പത്തനംതിട്ട-മാവേലിക്കര റോഡ്, എന്നിവിടങ്ങളിൽ ദിവസവും രാവിലെയും വൈകീട്ടും രൂക്ഷമായ ഗതാഗതക്കുരുക്കാണ് ഉണ്ടാക്കുന്നത്. എം.സി റോഡിൽ മെഡിക്കൽ മിഷൻ മുതൽ കോളജ് ജങ്​ഷൻ വരെ അനധികൃത കച്ചവടവും വാഹന പാർക്കിങ്ങും മൂലം വാഹനങ്ങൾക്ക് കടന്നുപോകാൻപോലും കഴിയാത്ത സ്ഥിതിയാണ്. വാഹനങ്ങളുമായി കടകമ്പോളങ്ങളിലെത്തുന്നവർ റോഡിൽതന്നെ തോന്നുംപോലെ വാഹനം പാർക്ക് ചെയ്തുപോവുകയാണ് ചെയ്യുന്നത്. മണ്ഡല മകരവിളക്കിന്​ മുന്നോടിയായി പന്തളത്തെ രൂക്ഷമായ ഗതാഗതക്കുരുക്ക് പരിഹരിക്കാൻ നഗരസഭ മുൻകൈയെടുത്ത് കഴിഞ്ഞ ദിവസം സർവകക്ഷിയോഗം വിളിച്ചിരുന്നു. യോഗതീരുമാനങ്ങൾ ക്രോഡീകരിച്ച് ചൊവ്വാഴ്ച കൂടുന്ന നഗരസഭ കൗൺസിലർ ചർച്ചചെയ്യും. ഇതിനുശേഷം ഗതാഗത പരിഷ്കാരം കൊണ്ടുവരാനാണ് നീക്കം. ഫോട്ടോ: പന്തളം ജങ്​ഷനിലെ ഗതാഗതക്കുരുക്ക്