ബ്യൂട്ടി പാർലറുകൾ അടച്ചിടാനുള്ള നിർദേശം ദുരുദ്ദേശ്യപരം

പത്തനംതിട്ട: കോവിഡ് കാലത്ത് ബ്യൂട്ടി പാർലറുകൾ അടച്ചിടാനുള്ള നിർദേശം ദുരുദ്ദേശ്യപരമാണെന്ന് കേരള ബ്യൂട്ടീഷ്യൻസ് അ​േസാസിയേഷൻ സംസ്ഥാന കമ്മിറ്റി. സലൂണുകാർക്ക് വീടുകളിൽപോയി മുടിവെട്ടാനും ഓൺലൈൻ ബ്യൂട്ടീഷൻമാർക്ക് ഫ്ലാറ്റുകളിൽ പോയി ബ്യൂട്ടി ട്രീറ്റ്മൻെറ്​ നടത്താനും അനുവാദം നൽകിയതി​ൻെറ പിന്നിൽ ആരോഗ്യവിദഗ്ധരുടെ പക്ഷഭേദമുണ്ട്. ഡൻെറൽ ക്ലിനിക്കുകൾക്കും പ്രവർത്തന അനുമതിയുണ്ട്. എന്നാൽ, ബ്യൂട്ടിപാർലറുകൾക്ക് പ്രവർത്തന അനുമതി നിരസിച്ചത്​ ഡെർമിറ്റോളജിക്കാരെ സഹായിക്കാൻ വേണ്ടി ആണെന്ന് അസോസിയേഷൻ ആരോപിച്ചു . ബാങ്ക് വായ്​പയെടുത്ത് സ്വയം തൊഴിൽ ചെയ്യുന്ന ചെറുകിട ബ്യൂട്ടീഷൻമാരെ സാമ്പത്തിക പ്രതിസന്ധിയിലാക്കിയാണ്​ ഈ തീരുമാനം. ചില മെഡിക്കൽ വിദഗ്ധരുടെ നിർദേശം കേരളത്തിൽ രണ്ടര ലക്ഷം വരുന്ന ബ്യൂട്ടീഷൻമാരെയും എട്ടു ലക്ഷം വരുന്ന അവരുടെ ആശ്രിതരെയും ദുരിതത്തിൽ ആക്കിയിട്ടുണ്ട്. എല്ലാ മാനദണ്ഡവും പാലിച്ചുനടത്തുന്ന ബ്യൂട്ടി പാർലറുകളിൽനിന്ന്​ രോഗവ്യാപനം നടന്നതായി റിപ്പോർട്ടുകൾ ഒന്നുമില്ല. നിർധനരായ ബ്യൂട്ടീഷൻമാരുടെ ഉപജീവനമാർഗം തടസ്സപ്പെടുത്തുന്ന തീരുമാനം പിൻവലിച്ച് സ്ഥാപനങ്ങൾ തുറന്ന്​ പ്രവർത്തിക്കാൻ അനുമതി നൽകണമെന്ന്​ യോഗം ആവശ്യപ്പെട്ടു. സംസ്ഥാന വർക്കിങ് പ്രസിഡൻറ് ആര്യനാട് മോഹനൻ അധ്യക്ഷത വഹിച്ചു. ജില്ല പ്രസിഡൻറ് ഷേർലി സജി, സെക്രട്ടറി ഷൈനി ജ്യോതി എന്നിവർ സംസാരിച്ചു. ------------- മൊബൈൽ ഫോൺ വായ്പ: രക്ഷിതാവിന്​ ബാങ്ക്​ ജീവനക്കാരുടെ അധിക്ഷേപം കൊടുമൺ: സഹകരണ വകുപ്പ് ഉത്തരവ് പ്രകാരം ഓൺലൈൻ പoനത്തിന് വിദ്യാർഥികൾക്ക് മൊബൈൽ ഫോൺ വാങ്ങുന്നതിന് പലിശരഹിത വായ്പയായ 'വിദ്യാ തരംഗിണി വായ്പ' നൽകണമെന്ന് ആവശ്യപ്പെട്ട് ചെന്ന രക്ഷാകർത്താവിനെ ബാങ്ക്​ ജീവനക്കാർ അധിക്ഷേപിച്ചതായി ആരോപണം. ജീവനക്കാരുടെ പേരിൽ നടപടിയെടുക്കണമെന്നും വായ്പകൾ ലഭ്യമാക്കാത്തതിലും പ്രതിഷേധിച്ച് കോൺഗ്രസ് അങ്ങാടിക്കൽ മണ്ഡലം കമ്മിറ്റി നേതൃത്വത്തിൽ ചന്ദനപ്പള്ളി സർവിസ്​ സഹകരണ ബാങ്കിന് മുന്നിൽ സഹകരണ ഉത്തരവ് കത്തിച്ച്​ സമരം നടത്തി. മണ്ഡലം പ്രസിഡൻറ്​ സി.ജി. ജോയി അധ്യക്ഷതവഹിച്ചു. യൂത്ത് കോൺഗ്രസ് ജില്ല പ്രസിഡൻറ്​ എം.ജി. കണ്ണൻ ഉദ്ഘാടനം ചെയ്തു. അങ്ങാടിക്കൽ വിജയകുമാർ, ഐക്കര ഉണ്ണികൃഷ്ണൻ, എ. വിജയൻ നായർ, സുരേഷ് മുല്ലൂർ, കെ. സുന്ദരേശൻ, ബിജു അങ്ങാടിക്കൽ, പ്രകാശ് ടി. ജോൺ, ജോസ് പള്ളിവാതുക്കൽ, ബാബുജി, വിനയൻ ചന്ദനപ്പള്ളി, സാംകുട്ടി അടിമുറിയിൽ തുടങ്ങിയവർ സംസാരിച്ചു.