കാൾ സൻെറർ, ഹെൽപ് ഡെസ്ക് ആരംഭിച്ചു മല്ലപ്പള്ളി: കോവിഡ് പ്രതിരോധ പ്രവർത്തനങ്ങൾ ഏകോപിപ്പിക്കുന്നതിനായി മല്ലപ്പള്ളി പഞ്ചായത്തിൽ കാൾ സൻെറർ, ഹെൽപ് ഡെസ്ക് എന്നിവ പ്രവർത്തനം ആരംഭിച്ചു. കാൾ സൻെറിൽ ലഭിക്കുന്ന പരാതികൾ, നിർേദശങ്ങൾ എന്നിവ ഉടൻ തന്നെ രജിസ്റ്ററിൽ രേഖപ്പെടുത്തി അടിയന്തര തുടർനടപടി സ്വീകരിക്കും. വൈദ്യസഹായം ആംബുലൻസ് ഉൾപ്പെടെ അടിയന്തര സേവനം ലഭ്യമാക്കേണ്ട സാഹചര്യങ്ങളിൽ താലൂക്ക് ആശുപത്രിയുമായി ബന്ധപ്പെട്ട് തുടർനടപടി സ്വീകരിക്കും. പഞ്ചായത്തുതല പ്രതിരോധ പ്രവർത്തനങ്ങൾ നിരീക്ഷിക്കുന്നതിനും തുടർനടപടി സ്വീകരിക്കുന്നതിനും പഞ്ചായത്ത് ഓഫിസിൽ വാർ റൂമും പ്രവർത്തനം ആരംഭിച്ചിട്ടുണ്ട്. കാൾ സൻെറർ/ഹെൽപ് ഡെസ്ക് ഫോൺ നമ്പറുകൾ: 9947125759, 9744459940, 8075772605, 9562261540, 9847170 149. കട്ട ഇളകി രൂപപ്പെട്ട കുഴികൾ അപകട ഭീഷണിയാകുന്നു മല്ലപ്പള്ളി: സി.എം.എസ് ഹൈസ്കൂളിന് സമീപം റോഡിൽ പാകിയ ലോക്ക് കട്ടകൾ ഇളകി കുഴികൾ രൂപപ്പെട്ടത് അപകട ഭീഷണിയാകുന്നു. വളവ് ആയതിനാൽ വാഹനങ്ങൾ റോഡിൻെറ വശങ്ങൾ ചേർന്നുവരുന്നത് അപകടങ്ങൾക്ക് കാരണമാകുന്നു. ലോക്കു കട്ടകൾ പൂർണമായും ഇളകിമാറി കുഴികൾ നിറയുന്ന സ്ഥിതിയിലാണ്. അശാസ്ത്രീയമായി കട്ട പാകിയതാണ് ഇളകാൻ കാരണമെന്നാണ് നാട്ടുകാരുടെ പരാതി. റോഡിൻെറ പണി പൂർത്തിയായി വർഷം തികയുന്നതിന് മുമ്പ് തന്നെ ഹൈസ്കൂൾ പടിക്കൽ റോഡിൽ കുഴികൾ രൂപപ്പെട്ടുതുടങ്ങിയിരുന്നു. കുഴികൾ അടച്ച് അപകടം ഒഴിവാക്കാൻ നടപടി വേണമെന്ന ആവശ്യം ശക്തമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.