പന്തളം: വൃക്ക രോഗം മൂർച്ഛിച്ച് ഡയാലിസിസിന് വിധേയരായവർക്ക് കടയക്കാട് മുസ്ലിം ജുമാമസ്ജിദ് സാമ്പത്തിക സഹായം കൈമാറി. തുമ്പമൺ മുട്ടം കോളനിയിൽ ബ്ലോക്ക് നമ്പർ അഞ്ചിൽ ലാൽ ഭവനിൽ എസ്. സുജിത്ത് ലാൽ (34), പന്തളം, മുളമ്പുഴ ലക്ഷ്മി നിവാസിൽ എസ്. വിധു (30) എന്നിവർക്കാണ് മഹല്ല് കമ്മിറ്റി സ്വരൂപിച്ച പണം കൈമാറിയത്. 2015 മുതൽ സുജിത്ത് ലാൽ ചികിത്സയിലാണ്. പെയിന്റിങ് തൊഴിലാളിയായിരുന്ന ഇയാൾ ഇപ്പോൾ കോട്ടയം മെഡിക്കൽ കോളജ് ആശുപത്രിയിൽ ചികിത്സയിലാണ്. നാട്ടുകാരുടെയും സന്മനസ്സുള്ളവരുടെയും സഹായംകൊണ്ടാണ് ചികിത്സ തുടരുന്നതെന്ന് മാതാവ് രാധാമണി പറഞ്ഞു. ഡയാലിസിസിന് പണം കണ്ടെത്താൻ മഹല്ല് കമ്മിറ്റിയെ രാധാമണി സമീപിക്കുകയായിരുന്നു. വിധുവും ചികിത്സക്കായി മഹല്ല് കമ്മിറ്റിയെ സമീപിച്ചിരുന്നു. ഇരുവരുടെയും അപേക്ഷ സ്വീകരിച്ച മുസ്ലിം ജുമാമസ്ജിദ് ഭാരവാഹികൾ ഇവർക്ക് സഹായം കൈമാറുകയായിരുന്നു. ജുമാമസ്ജിദ് പ്രസിഡന്റ് എസ്. മുഹമ്മദ് ഷുഐബ് ഇരുവർക്കുമുള്ള സാമ്പത്തിക സഹായം കൈമാറി. സെക്രട്ടറി എം. ഷാജഹാൻ, ട്രഷറർ അബ്ദുൽ മജീദ് കോട്ടവീട്, ജോ. സെക്രട്ടറി അബ്ദുൽ ജബ്ബാർ എന്നിവർ പങ്കെടുത്തു. ഫോട്ടോ: സുജിത്ത് ലാലിന്റെ ചികിത്സ സഹായം മാതാവ് രാധാമണിക്ക് ജമാഅത്ത് പ്രസിഡന്റ് എസ്. മുഹമ്മദ് ഷുഐബ് കൈമാറുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.