പ്ല​സ് വ​ൺ: മൂ​വാ​യി​ര​ത്തോ​ളം വി​ദ്യാ​ർ​ഥി​ക​ൾ പു​റ​ത്ത്

പാ​ല​ക്കാ​ട്: പ്ല​സ് വ​ൺ പ്ര​വേ​ശ​ന​ത്തി​നു​ള്ള മൂ​ന്നാം ഘ​ട്ട അ​ലോ​ട്ട്മെ​ന്‍റ് പ്ര​സി​ദ്ധീ​ക​രി​ച്ചു. 27,080 സീ​റ്റു​ക​ളി​ലേ​ക്കാ​ണ് മൂ​ന്നാം ഘ​ട്ട​ത്തി​ൽ അ​ലോ​ട്ട്മെ​ന്‍റ്. 272 മെ​റി​റ്റ് സീ​റ്റു​ക​ളി​ൽ ഇ​നി ഒ​ഴി​വു​ണ്ട്. ജി​ല്ല​യി​ലാ​കെ 45,225 അ​പേ​ക്ഷ​ക​ളാ​ണു​ള്ള​ത്. ഇ​തി​ൽ മ​റ്റു ജി​ല്ല​ക​ളി​ൽ നി​ന്നു​ള്ള 6600 അ​പേ​ക്ഷ​ക​ളു​മു​ണ്ട്. മാ​നേ​ജ്മെ​ന്‍റ് അ​ട​ക്കം 35000ത്തോ​ളം സീ​റ്റു​ക​ളാ​ണ് ജി​ല്ല​യി​ലു​ള്ള​ത്. മൂ​ന്നാം അ​ലോ​ട്ട്മെ​ന്‍റും പൂ​ർ​ത്തി​യാ​കു​മ്പോ​ൾ ജി​ല്ല​യി​ൽ മൂ​വാ​യി​ര​ത്തോ​ളം വി​ദ്യാ​ർ​ഥി​ക​ളാ​ണ് സീ​റ്റി​ല്ലാ​തെ പു​റ​ത്തു​നി​ൽ​ക്കു​ന്ന​ത്.

സ​ർ​ക്കാ​ർ മെ​റി​റ്റ് സീ​റ്റു​ക​ൾ മാ​ത്രം 27,235 എ​ണ്ണ​മു​ണ്ട്. മൂ​ന്നാം അ​ലോ​ട്ട്മെ​ന്‍റി​ൽ ഭി​ന്ന​ശേ​ഷി വി​ഭാ​ഗ​ക്കാ​ർ​ക്കു​ള്ള​തു​ൾ​പ്പെ​ടെ 27,352 സീ​റ്റു​ണ്ട്. മ​റ്റ് ജി​ല്ല​ക​ളി​ൽ​നി​ന്നു​ള്ള അ​പേ​ക്ഷ​ക​ർ സ്വ​ന്തം ജി​ല്ല​ക​ളി​ലേ​ക്ക് പോ​കു​ക​യും കു​റ​ച്ചു​പേ​ർ മാ​നേ​ജ്മെ​ന്‍റ് വി​ഭാ​ഗ​ത്തി​ലു​ള്ള എ​ണ്ണാ​യി​രം സീ​റ്റു​ക​ളി​ൽ പ്ര​വേ​ശ​നം നേ​ടു​ക​യും ചെ​യ്താ​ലും പി​ന്നെ​യും 3000ൽ ​ഏ​റെ വി​ദ്യാ​ർ​ഥി​ക​ൾ​ക്ക് സീ​റ്റ് ല​ഭി​ക്കാ​നു​ണ്ടാ​കും.

സ​പ്ലി​മെ​ന്‍റ​റി അ​ലോ​ട്ട്മെ​ന്‍റി​ലേ​ക്ക് പു​തു​താ​യി അ​പേ​ക്ഷ​ക​ൾ സ്വീ​ക​രി​ക്കു​ന്ന​തി​നാ​ൽ അ​പേ​ക്ഷ​ക​രു​ടെ എ​ണ്ണം ഇ​നി​യും വ​ർ​ധി​ക്കും. നി​ല​വി​ൽ മൂ​ന്നാം ഘ​ട്ട അ​ലോ​ട്ട്മെ​ന്‍റി​ന്‍റെ പ്ര​വേ​ശ​ന ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്. വെ​ള്ളി​യാ​ഴ്ച വൈ​കീ​ട്ട് അ​ഞ്ച് മ​ണി വ​രെ പ്ര​വേ​ശ​നം നേ​ടാം. സ്പോ​ർ​ട്സ് ക്വോ​ട്ട​യി​ൽ 702 സീ​റ്റു​ക​ളു​ള്ള​തി​ൽ 530 എ​ണ്ണ​ത്തി​ലേ​ക്ക് മൂ​ന്നാം ഘ​ട്ട​ത്തി​ൽ അ​ലോ​ട്ട്മെ​ന്‍റ് വ​ന്നു. ഇ​നി 172 സീ​റ്റ് ഒ​ഴി​വു​ണ്ട്. ഒ​ന്ന്, ര​ണ്ട് അ​ലോ​ട്ട്മെ​ന്‍റു​ക​ളി​ൽ താ​ൽ​ക്കാ​ലി​ക പ്ര​വേ​ശ​നം നേ​ടി​യ വി​ദ്യാ​ർ​ഥി​ക​ൾ​ക്ക് ഈ ​അ​ലോ​ട്ട്മെ​ന്‍റി​ൽ ഉ​യ​ർ​ന്ന ഓ​പ്ഷ​നി​ൽ അ​ലോ​ട്ട്മെ​ന്‍റ് ല​ഭി​ച്ചി​ട്ടി​ല്ലെ​ങ്കി​ൽ അ​ലോ​ട്ട്മെ​ന്‍റ് ലെ​റ്റ​ർ ആ​വ​ശ്യ​മി​ല്ല.

താ​ൽ​ക്കാ​ലി​ക പ്ര​വേ​ശ​ന​ത്തി​ലു​ള്ള വി​ദ്യാ​ർ​ഥി​ക​ൾ​ക്ക് ഹ​യ​ർ ഓ​പ്ഷ​ൻ നി​ല​നി​ർ​ത്താ​ൻ ഇ​നി അ​വ​സ​രം ഉ​ണ്ടാ​കി​ല്ല. അ​തി​നാ​ൽ അ​ലോ​ട്ട്മെ​ന്‍റ് ല​ഭി​ച്ച എ​ല്ലാ​വ​രും സ്ഥി​രം പ്ര​വേ​ശ​നം നേ​ട​ണം. അ​ലോ​ട്ട്മെ​ന്‍റ് ല​ഭി​ച്ചി​ട്ടും പ്ര​വേ​ശ​നം നേ​ടാ​തി​രി​ക്കു​ന്ന വി​ദ്യാ​ർ​ഥി​ക​ളെ സ​പ്ലി​മെ​ന്‍റ​റി അ​ലോ​ട്ട്മെ​ന്‍റു​ക​ളി​ൽ പ​രി​ഗ​ണി​ക്കി​ല്ല. ഇ​തു​വ​രെ അ​പേ​ക്ഷ ന​ൽ​കാ​ൻ ക​ഴി​യാ​ത്ത​വ​ർ​ക്ക് സ​പ്ലി​മെ​ന്‍റ​റി അ​ലോ​ട്ട്മെ​ന്‍റി​നാ​യി പു​തി​യ അ​പേ​ക്ഷ​ക​ൾ ന​ൽ​കാം. ആ​ദ്യ അ​ലോ​ട്ട്മെ​ന്‍റി​ൽ 19,843 വി​ദ്യാ​ർ​ഥി​ക​ളും ര​ണ്ടാം അ​ലോ​ട്ട്മെ​ന്‍റി​ൽ 20,934 പേ​രു​മാ​ണ് ജി​ല്ല​യി​ൽ പ്ര​വേ​ശ​നം നേ​ടി​യ​ത്. ഇ​തി​ൽ സ്ഥി​ര​മാ​യും താ​ൽ​ക്കാ​ലി​ക​മാ​യും പ്ര​വേ​ശ​നം നേ​ടി​യ​വ​രു​ണ്ട്.