കോട്ടായി: രണ്ടേകാൽ കോടി ചെലവിൽ നിർമിച്ച പഞ്ചായത്ത് കല്യാണമണ്ഡപം പണിതിട്ടും പണിതിട്ടും തീരുന്നില്ല. അഞ്ച് വർഷം മുമ്പ് എ.കെ. ബാലൻ സ്ഥലം എം.എൽ.എയും മന്ത്രിയുമായിരുന്ന കാലത്താണ് കല്യാണമണ്ഡപത്തിന്റെ പണി തുടങ്ങിയത്.
സ്റ്റേജ് ഉൾപ്പെടെ വലിയ ഹാൾ, വിശാലമായ അടുക്കള, ഭക്ഷണ ഹാൾ എന്നിവ ഉൾപെടെ ആധുനിക സൗകര്യങ്ങളോടെയാണ് കല്യാണമണ്ഡപം നിർമിച്ചിട്ടുള്ളത്. അഗ്നിനിയന്ത്രണ രക്ഷാ ഉപകരണങ്ങളുടെ പണി മാത്രമാണ് പൂർത്തീകരിക്കാനുള്ളതെന്നും പണി പൂർത്തീകരിച്ചാൽ സാധാരണക്കാർക്ക് താങ്ങാവുന്ന ചുരുങ്ങിയ നിരക്കിൽ വാടകക്ക് നൽകാനാവുമെന്നും പഞ്ചായത്ത് പ്രസിഡന്റ് എ. സതീശ് പറഞ്ഞു.
അതേസമയം അഞ്ച് വർഷമായിട്ടും കല്യാണമണ്ഡപത്തിന്റെ പണി തീരാത്തത് ബന്ധപ്പെട്ടവരുടെയും കരാറുകാരന്റെയും തികഞ്ഞ അനാസ്ഥയുടെ തെളിവാണെന്നും അടിയന്തരമായി പണി പൂർത്തീകരിച്ച് മണ്ഡപം തുറന്നു കൊടുക്കാൻ നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.