ബൈക്കിടിച്ച് പരിക്കേറ്റ അനിത
Posted On
date_range Updated On
date_range ബൈക്കിടിച്ച് ഭിന്നശേഷിക്കാരിയായ ലോട്ടറി വിൽപനക്കാരിക്ക് പരിക്ക്
കൊല്ലങ്കോട്: ഭിന്നശേഷിക്കാരിയായ ലോട്ടറി വിൽപനക്കാരിയെ ബൈക്കിടിച്ച് നിർത്താതെ പോയി. ബൈക്ക് യാത്രക്കാരനായി പൊലീസ് തിരച്ചിൽ ആരംഭിച്ചു. മംഗലം-ഗോവിന്ദപുരം റോഡിൽ കുതിരമൂളിയിൽ ലോട്ടറി വിൽപന നടത്തുന്ന അച്ഛനാങ്കോഡ് പരേതനായ സുരേഷിന്റെ ഭാര്യ അനിതക്കാണ് (40) പരിക്കേറ്റത്.
ശനിയാഴ്ച രാവിലെ പത്തോടെ കൊല്ലങ്കോട് ഭാഗത്ത് നിന്നും മുതലമട ഭാഗത്തേക്ക് പോവുകയായിരുന്ന ബൈക്കാണ് ഇടിച്ചത്. തലക്ക് ഗുരുതരമായി പരിക്കേറ്റു. കൂടെയുണ്ടായിരുന്ന ഒമ്പതാം ക്ലാസിൽ പഠിക്കുന്ന മകന്റെ ബഹളംകേട്ട് എത്തിയ നാട്ടുകാരാണ് അനിതയെ ആശുപത്രിയിൽ എത്തിച്ചത്. അനിതയുടെ ഭർത്താവ് സുരേഷ് മൂന്നാഴ്ച മുമ്പാണ് മരിച്ചത്. കുടുംബം പോറ്റാനായി ഭർത്താവ് ചെയ്ത ലോട്ടറി വിൽപന തുടരുന്നതിനിടെയാണ് അപകടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.