ഒറ്റപ്പാലം: സ്വർണം വാങ്ങാനെന്ന വ്യാജേന ജ്വല്ലറിയിലെത്തി സ്വർണമാല മോഷ്ടിച്ച കേസിൽ യുവതി അറസ്റ്റിൽ. പാലക്കാട് തരൂർ വില്ലേജിൽ ചിറക്കോട് വീട്ടിൽ സുജിതയാണ് (30) പിടിയിലായത്. ജൂൺ 15നാണ് സംഭവം.വാണിയംകുളത്തെ സെലോറ ജ്വല്ലറിയിൽ സ്വർണം വാങ്ങാനെന്ന പേരിലെത്തി 4.300 ഗ്രാം തൂക്കമുള്ള മാല മോഷ്ടിച്ചതായാണ് പരാതി.
കസ്റ്റഡിയിൽ വാങ്ങിയ പ്രതിയെ സ്ഥലത്തെത്തിച്ച് തെളിവെടുപ്പ് നടത്തി. മോഷ്ടിച്ച മാല പട്ടാമ്പിയിലെ സ്വർണക്കടയിൽ വിറ്റതായും അന്വേഷണ സംഘം കണ്ടെത്തി. ഒറ്റപ്പാലം എസ്.ഐ പ്രവീൺ, എ.എസ്.ഐ ഗംഗാധരൻ, സി.പി.ഒമാരായ സജിത്ത്, ഹർഷാദ് എന്നിവരുടെ നേതൃത്വത്തിലാണ് അന്വേഷണം നടക്കുന്നത്. സമാന കുറ്റകൃത്യം ചെയ്തതിന് പ്രതിക്കെതിരെ വടക്കാഞ്ചേരി, തൃശൂർ എന്നിവിടങ്ങളിലും കേസുള്ളതായി പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.