മണ്ണാർക്കാട്: അന്തർ സംസ്ഥാന വാഹന മോഷണസംഘത്തിലെ ഒരാളെക്കൂടി പൊലീസ് അറസ്റ്റ് ചെയ്തു. മഹാരാഷ്ട്ര താനെ സ്വദേശി ആശ്ര സൊസൈറ്റി യശോദ നഗർ ബാലനാരായണൻ എന്ന കുബാലിനെയാണ് (52) മണ്ണാർക്കാട് പൊലീസ് കാസർകോട് നിന്ന് അറസ്റ്റ് ചെയ്തത്. തെങ്കര കനാലിന് സമീപം താമസിക്കുന്ന സുനീഷ് ബേബിയുടെ വീടിന്റെ പൂട്ടുപൊളിച്ച് ടിവി, ഹോം തിയറ്റർ, വീടിന് പുറത്ത് നിർത്തിയിട്ടിരുന്ന കാർ എന്നിവ മോഷണം നടത്തിയ കേസിലാണ് ഇവർ പിടിയിലായത്. കഴിഞ്ഞ ഫെബ്രുവരി ഏഴിനാണ് കേസിനാസ്പദമായ സംഭവം നടന്നത്. സംഘത്തിലെ മൂന്നുപേർ കഴിഞ്ഞ ദിവസം പിടിയിലായിരുന്നു. കർണാടക മാണ്ഡ്യ ജില്ലയിലെ കോട്ടത്തി വില്ലേജ് കെ.എം. ആനന്ദ് (27), വെസ്റ്റ് മുംബൈ സ്വദേശി ചന്ദ്രകാന്ത് പൂജാരി (40), കർണാടക ഉഡുപ്പി സ്വദേശി രക്ഷക് പൂജാരി (21) എന്നിവരാണ് ഇവർ. അറസ്റ്റിലായ ചന്ദ്രകാന്ത് പൂജാരിക്ക് വിവിധ സ്റ്റേഷനുകളിൽ ആറ് മോഷണക്കേസുകളുണ്ട്. ഉടുപ്പി സ്വദേശി രക്ഷക് പൂജാരി കൊലപാതക കേസിൽ പ്രതിയാണ്. കാസർകോട്ട് വീട് കുത്തിത്തുറന്ന് കാർ, സ്വർണ്ണം, ലക്ഷങ്ങളുടെ വിലപിടിപ്പുള്ള വാച്ചുകൾ എന്നിവ മോഷ്ടിച്ച കേസിലെ പ്രതികളാണ് സംഘത്തിലെ അഞ്ച് പേരുമെന്ന് പൊലീസ് വ്യക്തമാക്കി. മറ്റ് രണ്ട് പ്രതികൾക്കായി അന്വേഷണം ഊർജിതമാക്കിയതായി ഡിവൈ.എസ്.പി കെ എ കൃഷ്ണദാസ് പറഞ്ഞു. സി. ഐ പി. അജിത് കുമാർ, എസ്.ഐ ജസ്റ്റിൻ, സി.പി.ഒമാരായ ഷൗക്കത്ത്, ഷഫീഖ്, വിജയൻ, ഷാഫി, ദാമോദരൻ, റമീസ് എന്നിവരടങ്ങുന്ന സംഘമാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.