തരൂരിൽ പഞ്ചായത്തുകൾ തുത്തുവാരി എൽ.ഡി.എഫ്​

തരൂർ: ആകെയുള്ള എട്ടുപഞ്ചായത്തുകളിൽ കോൺഗ്രസ്​ ഭരിക്കുന്ന രണ്ടിലടക്കം ​േവാട്ടുവേട്ട ​നടത്തി ഇടതുമുന്നണി. കഴിഞ്ഞ തവണ മണ്ഡലത്തിൽനിന്ന്​ ജയിച്ച്​ മന്ത്രിയായ എ.കെ. ബാല​ൻെറ ഭൂരിപക്ഷം 23068 വോട്ടുകളായിരുന്നു. ഇത്തവണ എൽ.ഡി.എഫ്​ സ്ഥാനാർഥി പി.പി. സുമോദ് 24531 വോട്ടുകളുടെ ഭൂരിപക്ഷത്തിലാണ്​ തൊട്ടുപിറകെയെത്തിയ യു.ഡി.എഫ്​ സ്ഥാനാർഥി കെ.എ. ഷീബയെ തോൽപ്പിച്ചത്​. ബി.ജെ.പിയുടെ കെ.പി. ജയപ്രകാശന് 18465ഉം വെൽഫയർ പാർട്ടിയുടെ സി.എ. ഉഷാകുമാരിക്ക് 985ഉം വോട്ട്​ ലഭിച്ചു. എട്ട് ഗ്രാമപഞ്ചായത്തുകൾ ഉൾപ്പെടുന്നതാണ് തരൂർ മണ്ഡലം. പെരുങ്ങോട്ടുകുറുശ്ശി, കുത്തനൂർ പഞ്ചായത്ത്​ ഭരണം യു.ഡി.എഫിനാണ്​. കണ്ണ​മ്പ്ര, കാവശ്ശേരി, കോട്ടായി, പുതുക്കോട്, തരൂർ, വടക്കഞ്ചേരി പഞ്ചായത്ത്​ ഭരണം എൽ.ഡി.എഫിനും. പെരുങ്ങോട്ടുകുറുശ്ശി ഉൾപ്പെടെ മുഴുവൻ പഞ്ചായത്തുകളിലും എൽ.ഡി.എഫ് വ്യക്തമായ മേൽക്കൈ നേടി. എന്നാൽ, 2016നെക്കാൾ ഇടതുമുന്നണിക്ക്​ വോട്ട് ശതമാനത്തിൽ കുറവുണ്ടായതായി കണക്കുകൾ വ്യക്തമാക്കുന്നു. 2016ൽ മണ്ഡലത്തിലെ 52.25 ശതമാനം വോട്ട് എൽ.ഡി.എഫിന് ലഭിച്ചപ്പോൾ ഇത്തവണ 51.48 ആയി കുറഞ്ഞു. 2016ൽ 1,64,236ഉം 2021ൽ 1,70,119ഉം വോട്ടുകളാണ്​ മണ്ഡലത്തിലുണ്ടായിരുന്നത്. 2016ൽ എൽ.ഡി.എഫിനായി കളത്തിലിറങ്ങിയ എ.കെ. ബാലന് 67047 വോട്ടുകളായിരുന്നു കിട്ടിയത്​. ഇക്കുറി സുമോദിന് ലഭിച്ചത്​ 67744 വോട്ടുകൾ. പെരുങ്ങോട്ടുകുറുശ്ശി എൽ.ഡി.എഫ്-6745 യു.ഡി.എഫ്-5601 ബി.ജെ.പി.-2934 ഭൂരിപക്ഷം-1144 --- കോട്ടായി എൽ.ഡി.എഫ്-6863 യു.ഡി.എഫ്-4238 ബി.ജെ.പി-2439 ഭൂരിപക്ഷം-2605 ----------- കുത്തനൂർ എൽ.ഡി.എഫ്-6351 യു.ഡി.എഫ്-5564 ബി.ജെ.പി-2118 ഭൂരിപക്ഷം-787 ------------------ തരൂർ എൽ.ഡി.എഫ്-8337 യു.ഡി.എഫ്-4990 ബി.ജെ.പി-2212 ഭൂരിപക്ഷം-3347 ------------- കാവശ്ശേരി എൽ.ഡി.എഫ്-9125 യു.ഡി.എഫ്-5988 ബി.ജെ.പി-2405 ഭൂരിപക്ഷം-3137 ----------- പുതുക്കോട് എൽ.ഡി.എഫ്-7546 യു.ഡി.എഫ്-4100 ബി.ജെ.പി-1456 ഭൂരിപക്ഷം-3446 ------------- കണ്ണബ്ര എൽ.ഡി.എഫ്-9914 യു.ഡി.എഫ്-4413 ബി.ജെ.പി-1998 ഭൂരിപക്ഷം-5501 ----------- വടക്കഞ്ചേരി എൽ.ഡി.എഫ്-11639 യു.ഡി.എഫ്-7357 ബി.ജെ.പി-2675 ഭൂരിപക്ഷം-4282 ---------- പോസ്​റ്റൽ വോട്ട് എൽ.ഡി.എഫ്-1184 യു.ഡി.എഫ്-942 ബി.ജെ.പി-228 ഭൂരിപക്ഷം-242