റമദാൻ വെളിച്ചം

റഫീഖ് ദാരിമി ഖതീബ്​, പുതുനഗരം ഷാഫി ജുമാമസ്ജിദ് ........... നോമ്പി​ൻെറ ചൈതന്യം ---------------- ജീവിതത്തിൽ കഠിന പരീക്ഷണങ്ങളിലൂടെയും ചിലപ്പോൾ വിശ്വാസികൾക്ക് കടന്നുപോകേണ്ടി വരും. ജീവിതത്തിൽ ഏറ്റവും പരീക്ഷണം നേരിടുന്നവരാര് എന്ന പ്രവാചക​ൻെറ അനുചരന്മാരുടെ ചോദ്യത്തിന് റസൂൽ നൽകിയ മറുപടി -അമ്പിയാക്കൾ, പിന്നെ അവരോടടുത്തവർ എന്നായിരുന്നു. ജീവിതത്തിൽ അതി കഠിന പരീക്ഷണങ്ങളിലൂടെയും വിശ്വാസിക്ക് കടന്നുപോകേണ്ടി വരും എന്നതിന് ഉദാഹരണമാണ് മുകളിലെ നബിവചനം. നോമ്പ് എന്നത് വിശ്വാസികൾക്ക്​ ആരാധനയും അതോടൊപ്പം വിശപ്പും ദാഹവും സഹിക്കുക എന്ന ഒരു പരീക്ഷയും കൂടിയാണ്. മാത്രവുമല്ല, നമ്മുടെ പൂർവികർ ഇതുപോലുള്ള പരീക്ഷണങ്ങളിലൂടെ കടന്നുപോയിട്ടുണ്ടെന്നും അല്ലാഹു നമ്മെ സാന്ത്വനപ്പെടുത്തുന്നു. ഇതാണ് വിശുദ്ധ ഗ്രന്ഥത്തിൽ പറയുന്നത്.​ 'വിശ്വാസികളേ നിങ്ങളുടെ മുൻഗാമികൾക്ക് നോമ്പ് നിർബന്ധമാക്കപ്പെട്ടത് പോലെ നിങ്ങൾക്കും നോമ്പ് നിർബന്ധമാക്കപ്പെട്ടിരിക്കുന്നു. നിങ്ങൾ തഖ്​വയുള്ളവരാകാവാൻ വേണ്ടി'. നോമ്പുകൊണ്ട് തഖ്​വ അഥവ ഭക്തി ലഭിക്കുമെന്നത് അല്ലാഹു വ്യക്തമാക്കുന്നുണ്ട്. ഈ ഭക്തി ലഭിച്ചവർക്കാണ് മുത്തഖീങ്ങൾ എന്ന്​​ പറയുന്നത്. ഈ വിഭാഗത്തിനാണ് അന്തിമ വിജയം ലഭിക്കുക എന്ന് മറ്റൊരിടത്ത് ഖുർആൻ പറയുന്നുണ്ട്. ആ വിഭാഗത്തിൽ നമ്മെ എല്ലാവരെയും പടച്ചവൻ ഉൾപ്പെടുത്തട്ടെ. ഭക്തിക്കു വേണ്ടിയാവട്ടെ നമ്മുടെ നോമ്പുകൾ എന്ന് ആശംസിക്കുന്നു. pew rafeeq darimi: Photo