മഴയിൽ തോടായി മുണ്ടൂർ-തൂത റോഡ്

മുണ്ടൂർ: മഴ പെയ്താൽ മുണ്ടൂർ -തൂത റോഡ് തോടാവും. വീടുകളിലും കടകളിലും ചളിവെള്ളവും ഇഴജന്തുക്കളും ഒഴുകിയെത്തും. റോഡ് നവീകരണ ഭാഗമായി പാതയോട്​ ചേർന്ന്​ അഴുക്കുചാൽ നിർമിച്ചെങ്കിലും പലയിടത്തും ഇത്​ തടസ്സപ്പെടുത്തി ചെറു റോഡുകൾ നിർമിച്ചതോടെ വെള്ളം റോഡിലേക്ക്​ കയറുകയാണെന്ന്​​ നാട്ടുകാർ പറയുന്നു. മന്ദത്തുകാവ്, വടക്കുമുറി, മേപ്പാട്ടുപുര, കൊട്ടിലിങ്കൽ എന്നിവിടങ്ങളിൽ നിന്ന്​ ഒഴുകിവരുന്ന ചളിവെള്ളമാണ് വീടുകളിലേക്കും കടകളിലേക്കും എത്തുന്നത്. പ്രധാന പാതയോട് ചേർന്ന ഗ്രാമീണ റോഡുകളിൽനിന്ന് വെള്ളം ചാലിലേക്ക് ഒഴുക്കുന്നതിന് ക്രമീകരണങ്ങൾ ഒരുക്കണമെന്നും പ്രശ്നം പരിഹരിക്കണമെന്നും നാട്ടുകാർ ആവശ്യപ്പെട്ടു. പടം) KL KD Mannath Kav മന്ദത്തുകാവ് റോഡിൽ ചളിവെള്ളം നിറഞ്ഞ നിലയിൽ